Stjórn VR langþreytt á rangfærslum

„Við í stjórn VR erum orðin langþreytt á rangfærslum og ómálefnalegum málflutningi þeirra sem segjast vilja breytingar í stjórn félagsins,“ segir í yfirlýsingu sem níu stjórnarmenn í félaginu sendu frá sér.

Stjórnarmennirnir senda Lúðvík Lúðvíkssyni tóninn, en Lúðvík fer fyrir hópi félagsmanna sem vilja breytingar í stjórn félagsins.

Stjórnarmenn VR segja að Lúðvík sýni ítrekað vankunnáttu í málefnum félagsins, sem hann vilji stjórna. Hverjum þeim sem stýra vill 28 þúsund manna félagi verði að vera ljóst að hann verði að treysta á eigin burði til að kynna sér lög og reglur.

Þá segir í yfirlýsingunni að öllum félagsmönnum sé að sjálfsögðu frjálst að leggja fram nýjan framboðslista en hann verði að vera í samræmi við lög VR. Enginn starfsmaður VR geti breytt nokkru þar um og aðeins sé hægt að breyta lögum félagsins á aðalfundi.

• 5 blogg um fréttina

Bloggað um fréttina

• Sigurbjörg: Það er ekkert svo auðvelt!
• Reynir Andri: Ég er lika þreyttur á ykkur í stjórn VR.
• Jóhannes Ragnarsson: Verkalýðshreyfing í gíslingu óæskilegra afla
• Ragnar Þór Ingólfsson: Stjórn VR langþreytt?
• Dunni: Ef stjórn VR langþreytt á hún að segja af sér