90 manns fyrir utan Sólvang

Mikill hiti er í um níutíu Hafnfirðingum sem eru fyrir utan Sólvang í Hafnarfirði en þar fer fram fundur heilbrigðisráðherra með starfsmönnum St. Jósepsspítala-Sólvangs. Gerð voru köll að ráðherranum þegar hann mætti til fundarins.

Fyrirhugaðar eru breytingar á starfsemi heilbrigðisstofnunarinnar sem hugnast starfsmönnum og bæjarbúum almennt illa. Fundurinn er lokaður og eru um 100 manns á honum. Fyrir utan Sólvang hafa hins vegar safnast um níutíu manns sem ekki fá að fara á fundinn en sýna samstöðu í verki.

Hafnfirðingar sem blaðamaður mbl.is ræddi við segja m.a. að breytingarnar ógni heilsufarslegu öryggi Hafnfirðinga, þær séu slæmar fyrir atvinnustig bæjarins auk þess sem nokkrir bentu á að stór hluti tækjabúnaðar St. Jósepsspítala hafi félagasamtök í bænum gefið.

Um hundrað manns eru starfsmannafundinum, sem er lokaður öðrum. Ljósmynd/Kristinn Ingvarsson

Guðlaugur Þór Þórðarson, heilbrigðisráðherra, fundar með starfsfólki. Gerð voru köll að honum þegar hann kom til fundar. Ljósmynd/Kristinn Ingvarsson

• 7 blogg um fréttina

Bloggað um fréttina

• Jón Svavarsson: Er það ekki LÖGREGLUNAR að taka á hryðjuverkamönnum ???
• Jóhannes Ragnarsson: Þegar Gunnólfur skipstjóri var rassskelltur af sínum eigin hásetum
• Dunni: Hafnarfjarðarför heilbrigðisráðherra
• Njörður Helgason: Aðeins byrjunin.
• Hörður B Hjartarson: Er fólk að hætta
• Hallgrímur Guðmundsson: Vanhæfni stjórnvalda er best lýst
• Guðmundur Óli Scheving: Mikil hætta á blóðugum átökum !