Reynt að leysa mál Tónlistarhúss

Austurhöfn og nýi og gamli Landsbankinn hafa sent frá sér yfirlýsingu þar sem segir að unnið sé að því að leysa málefni Portusar hf., byggingaraðila Tónlistarhússins og ráðstefnumiðstöðvarinnar, og tryggja þannig framgöngu verkefnisins.

„Allir þeir sem að málinu koma hafa frá upphafi haft fullan vilja til að finna því farsæla lausn og unnið ötullega að framgangi þess á undanförnum vikum. Lausn málsins hefur dregist sökum umfangs verkefnisins og flókinna hagsmunatengsla málsaðila.

Allt kapp hefur verið lagt á að ná fram ásættanlegri tillögu sem hefur það að markmiði að tryggja byggingu Tónlistarhússins og ráðstefnumiðstöðvarinnar," segir í yfirlýsingunni.

Íslenskir aðalverktakar hafa frestað tímabundið framkvæmdum við byggingu hússins þar sem fyrirtækið hefur ekki fengið greitt frá því í haust. Framkvæmdirnar áttu að hefjast aftur í gær að afloknu jólaleyfi starfsmanna.

• 7 blogg um fréttina

Bloggað um fréttina

• Gunnlaugur B Ólafsson: Tónlistarhús - Atvinnuskapandi verkefni
• Björgvin Kristinsson: Nýtt hlutverk...
• Haraldur Hansson: Sjáið þið ekki heildarmyndina strákar?
• Sigurbrandur Jakobsson: Verður minnisvarði um bruðl.
• Benedikt Bjarnason: Vitlausasta framkvæmd sem farið hefur verið í.
• Ívar Andersen: Minnisvarði draumóramannana.
• Haraldur Haraldsson: Reynt að leysa mál Tónlistahúss ???????