Það er ekki ofsögum sagt að blúsinn hafi verið í aðalhlutverki í miðbænum í dag er Blúshátíð í Reykjavík var sett.
Blúsvagnar Krúserklúbbs Reykjavíkur voru meðal þess sem að fyrir augu bar á opnuninni. Blúsvagnarnir héldu niður Skólavörðustíg og Bankastræti og óku svo rúntinn áður en förinni lauk með bílasýningu á Lækjartorgi.
Einnig var boðað til Blúsáhaldagöngu og lagði hún af stað frá Eggerti feldskera, en gengið var niður Skólavörðustíg og Bankastræti með lifandi blús sem leikinn var inni á kaffihúsum og í verslunum.
Gítarsýning var opnuð í Galleríi Sævars Karls og þá verður Klúbbur Blúshátíðar opnaður á Café Rósenberg kl 17.