Viðræður hefjast klukkan fimm
Setja bókamerki
Steingrímur J. Sigfússon og Jóhanna Sigurðardóttir, formenn stjórnarflokkanna, munu hittast í Alþingishúsinu klukkan 17.00 til að halda stjórnarmyndunarviðræðum áfram.
Í dag hefur verið unnið að því að koma upp starfshópum í mismunandi málefnum og eru tveir þeirra nú fullskipaðir, hópur um Evrópumál og hópur um breytingar á stjórnarráðinu. Í dag var skýrt frá því að Össur Skarphéðinsson og Ögmundur Jónasson sætu með Degi B. Eggertssyni og Katrínu Jakobsdóttur í í Evrópuhópnum.
Vinstri-grænir munu funda um klukkan 18.00 í kvöld um það hverjir taki sæti í hinum hópunum tveimur fyrir þeirra hönd. Þeir hópar eiga að fjalla um atvinnu- og efnahagsmál annars vegar og ríkisfjármál hins vegar.
Líklegt þykir talið að Jón Bjarnason taki þátt í starfshópi um ríkisfjármál fyrir þeirra hönd og að Lilja Mósesdóttir taki þátt í hópi um atvinnu- og efnahagsmál. Það er þó óstaðfest.
Of margir nemendur og ákall um hæft starfsfólk
Gerðu umfangsmiklar loftárásir á Líbanon
Maðurinn sem leitað var að fannst látinn
Komu saman á kyrrðar- og bænastund
Grænlendingar vildu ekki fá björninn til baka
Eina leiðin var að fella björninn
Eðlileg viðbrögð að fella tár
Finnar og Svíar taka ekki á móti særðum frá Gasa