Þokkaleg fasteignasala á höfuðborgarsvæðinu

Fjöldi þinglýstra kaupsamninga á höfuðborgarsvæðinu 15. maí til og með 21. maí 2009 var 43. Þar af voru 29 samningar um eignir í fjölbýli, 13 samningar um sérbýli og 1 samningur um annars konar eignir en íbúðarhúsnæði. Heildarveltan var 1.275 milljónir króna og meðalupphæð á samning 29,7 milljónir króna. Að meðaltali hafa verið seldar 35 fasteignir á höfuðborgarsvæðinu í viku hverri síðustu þrjá mánuði, samkvæmt upplýsingum frá Fasteignaskrá Íslands. Á sama tíma var 7 kaupsamningum þinglýst á Suðurnesjum. Þar af voru 2 samningar um eignir í fjölbýli og 5 samningar um sérbýli . Heildarveltan var 154 milljónir króna og meðalupphæð á samning 22 milljónir króna. Á sama tíma var 6 kaupsamningum þinglýst á Akureyri. Þar af voru 4 samningar um eignir í fjölbýli og 2 samningar um sérbýli. Heildarveltan var 128 milljónir króna og meðalupphæð á samning 21,3 milljónir króna. Á sama tíma var engum kaupsamningi þinglýst á Árborgarsvæðinu.

• 1 blogg um fréttina

Bloggað um fréttina

• Einar Sveinn Ragnarsson: Er fjöldi skilnaða þá sambærilegur?