Vill sækja um ESB-aðild

Þorgerður Katrín Gunnarsdóttir, varaformaður Sjálfstæðisflokksins, sagði afdráttarlaust á Alþingi í dag að hún vildi að sótt verði um aðild að Evrópusambandinu en þó ekki á þeim forsendum, sem settar eru fram í þingsályktunartillögu ríkisstjórnarinnar. 

„Ég vil sækja um aðild að Evrópusambandinu," sagði Þorgerður Katrín í umræðu um stjórnartillöguna í dag.  „En ég vil ekki gera það á þessum forsendum því mér finnst það til vansa hvernig unnið hefur verið að þessari tillögu."

Þorgerður Katrín sagði m.a. að í stjórnartillögunni væri ekkert fjallað um það hvers vegna gott væri að fara þá leið við aðildarumsókn sem þar er lýst. „Við skulum bara segja söguna eins og hún er: Þetta var bara til að koma ríkisstjórninni saman. Þetta var bara plagg upp á punt, ekki neitt pólitískt innihald."

Steingrímur J. Sigfússon, fjármálaráðherra, sagði í umræðunum að svo virtist sem ríkulegur þingmeirihluti væri fyrir að fara í viðræður. Ágreiningurinn virðist því vera hvernig eigi að undirbúa slíka umsókn og hvernig haga eigi því ferli.

• 5 blogg um fréttina

Bloggað um fréttina

• Guðmundur Jónas Kristjánsson: Varaformaður Sjálfstæðisflokks vill ESB-umsókn
• Héðinn Björnsson: Ég hélt að það væru bara lönd sem gætu sótt …
• Ólafur Ingólfsson: Í góðri áflogahefð íslendingasagna
• Jón Snæbjörnsson: „Ég vil sækja um aðild að Evrópusambandinu,"
• Tómas Ibsen Halldórsson: Þorgerður Katrín vill sækja um aðild að Evrópusambandinu ! ? …