„Pólitískt sjálfsmorð“ að kollvarpa sjávarútveginum

Atli Gíslason, þingmaður VG og formaður sjávarútvegsnefndar Alþingis, sagði í ræðu á málþingi um auðlindastýringu og fyrningarleið í Vestmannaeyjum í dag, að innköllunarleið aflaheimilda yrði ekki farin ef sýnt yrði að hún myndi skaða atvinnulíf og byggð í landinu.

Þetta kemur fram á vef LÍÚ.

„Ef þessi innköllunarleið, miðað við hagræna og þjóðhagslega útreikninga, fer í bága við hin fimm markmiðin [markmið um endurskoðun laga um fiskveiðar í stjórnarsáttmála] um að efla atvinnu og efla byggð í landinu þá verður þessi leið ekki farin,“ er haft eftir Atla.

„Ég get sagt það hér og hef oft sagt það áður að ég fer ekki að fara í einhverjar ráðstafanir sem munu kollvarpa sjávarútveginum. Það er pólitískt sjálfsmorð, sérstaklega á þessum tímum sem við lifum í dag,“ sagði Atli ennfremur.

• 6 blogg um fréttina

Bloggað um fréttina

• Páll Vilhjálmsson: Ríkisstjórn úr takti við þjóðina
• Karl V. Matthíasson: Ranglæti verður aldrei þjóðhagslega hagkvæmt.
• Ingólfur H Þorleifsson: Samfylkingin er komin út í horn.
• Guðrún María Óskarsdóttir.: Þarf að skipta um formann sjávarútvegsnefndar ?
• L.i.ú.: Gott að vita, þar hafiði það.
• Finnur Hrafn Jónsson: Það væri frekar pólitískt sjálfsmorð að standa ekki við kosningaloforð …