Lögreglan hefur fylgt hópi mótmælenda, sem ruddist inn í Fríkirkjuveg 11 á níunda tímanum í kvöld, út úr húsinu. Allt fór friðsamlega fram. Fólk sem var fyrir utan er nú farið að tínast burt. Engar skemmdir hafa verið unnar á því, að því er talið er.
Um 20 manna hópur fór inn í húsið og hafðist m.a. við í kjallaranum um stundarsakir. Í upphafi komust um fimm einstaklingar inn húsið í gegnum ólæstar dyr. Hópurinn mótmælti Icesave-samningunum og stjórnvöldum.
Rúmlega 10 lögreglumenn voru sendir á vettvang. Enginn hefur verið handtekinn.
Enginn er búsettur í húsinu en þar er húsvörður.