Neytendastofa hefur tekið þá ákvörðun að banna ekki Reykjanesbæ að nota heitið Vatnaveröld á sundmiðstöð bæjarins.
Gæludýraverslunin Vatnaveröld kvartaði til Neytendastofu yfir notkun Reykjanesbæjar á heitinu þar sem mikill ruglingur skapaðist milli þeirra. Gæludýraversluninni bærust t.a.m. símtöl með fyrirspurnum um opnunartíma og óskilamuni.
Neytendastofa segir, að þar sem þessir aðilar séu ekki keppinautar á markaði muni
notkun Reykjanesbæjar á heitinu ekki valda hættu á því að neytendur
rugluðust á fyrirtækjunum eða kæmu til með að eiga viðskipti við rangan
aðila.