Guðfríður Lilja skrifar undir með fyrirvara

„Við viljum hnykkja á því að við undirbúning og skipulag aðildarviðræðna þá skuli fylgja þeim meginsjónarmiðum og vegvísi sem nefndarálit meirihluta utanríkismálanefndar rekur í ítarlegu máli,“ segir Árni Þór Sigurðsson, formaður utanríkismálanefndar Alþingis.

Nefndin afgreiddi í morgun til annarrar umræðu í þinginu, tillögu um aðildarumsókn að ESB. Fulltrúar stjórnarflokkanna skrifa undir álit meirihluta nefndarinnar en Guðfríður Lilja Grétarsdóttir skrifar undir með fyrirvara.

Árni Þór Sigurðsson segir að með breytingu meirihlutans á tillögugreininni sjálfri, sé mjög hnykkt á meginhagsmunum Íslands og þeir útskýrðir. Það eigi við um sjávarauðlindir, landbúnað og fleira. Í nefndarálitinu sé ítarlega gerð grein fyrir því hvaða atriði það eru sem hafa þurfi að leiðarljósi.

„Breytingin á tillögugreininni sjálfri felst í því að við í raun setjum ríkisstjórninni það fyrir að hún skuli í aðildarviðræðum, fylgja þeim meginmarkmiðum sem sett eru fram í áliti meirihlutans,“ segir Árni Þór.

Áliti meirihluta utanríkismálanefndar og breytingartillögum verður dreift á Alþingi í dag og kemur málið væntanlega til annarrar umræðu á Alþingi á morgun.

Þingfundi sem hefjast átti klukkan 10:30 var frestað til klukkan 12 vegna nefndarstarfa.

Árni Þór Sigurðsson

• 9 blogg um fréttina

Bloggað um fréttina

• Einar Guðjónsson: Ryk í augun
• Tómas Ibsen Halldórsson: Vinstri grænir svínbeygðir
• Jón Árni Bragason: VG leiðir ESB umsókn .. magnað!
• Jens Sigurjónsson: Vilja afsala sér sjálfstæðinu.
• Gunnar Gunnarsson: Hafði ekki alveg á réttu að standa
• Benedikta E: Þjóðin á að kjósa um hvort farið verður í aðildarviðræður …
• Jón Rúnar Ipsen: Skrifar undir með fyrirvara
• Andri Geir Arinbjarnarson: Það eru verðmæti í Icesave fyrir ESB aðild!
• Jóhann Elíasson: Kannski eru einhverjir í VG tilbúnir til að standa við …