Hinsegin stúdentar skora á Össur
Setja bókamerki
Q - Samtök hinsegin stúdenta við Háskóla Íslands vilja, í tilefni af heimsókn utanríkisráðherra Litháen Vygaudas Usackas, lýsa áhyggjum sínum yfir nýlegri löggjöf sem var samþykkt á Litháenska þinginu þann 16. júní síðastliðinn. Samtök skora á Össur Skarphéðinsson, utanríkisráðherra að vekja athygli Usackas á afstöðu Íslands til málsins og fordæma þá mismunun sem lög fela í sér.
Q-samtökin segja að löggjöfin, sem tekur gildi í Mars 2010, vegi gróflega að réttindum Litháa og muni að öllu óbreyttu banna alla jákvæð umræðu um samkynhneigða, tvíkynhneigða og trans einstaklinga á opinberum vettvangi, í fjölmiðlum og skólum, á forsendum þess að vernda líkamlega og andlega heilsu ungmenna.
„Löggjöfin staðsetur alla jákvæða umræðu um hinsegin málefni á sama stall og umfjöllun er getur valdið ótta, þykir óhugnanleg, eða hvatt til sjálfsvíga hjá ungu fólki - og mun brot á lögunum varða við sekt,“ segir í áskorun Q-samtakanna.
Samtökin segja mismunun sem þessa ekki eiga að viðgangast innan Evrópusambandsins. Þegar hafi verið bent á að lögin brjóti gegn samþykkt Evrópusambandsins um verndun mannréttinda sem er tryggð í 6. Grein Evrópusáttmálans.
„Að lokum viljum við minna háttvirtan utanríkisráðherra á opinbera stefnulýsingu Samfylkingarinnar sem segir meðal annars að allir eigi að njóta sömu verndar og öryggis óháð kynhneigð og kyni,“ segir í áskoruninni.
Eru að vakta stöðuna í bólusetningum barna
Gosopið gæti stækkað á ný: „Eitthvað í aðsigi“
Bregðast við vopnahléstillögu á morgun
Virknin færist í aukana innan 48 tíma
Þyngri refsing fyrir að nauðga stjúpdóttur æskuvinar
Sennilega gróðureldur, ekki ný sprunga
Fjallabak, Sprengisandur og niður í Eyjafjörð
Laugavegur hjólaferðamannsins að fæðast