Yfir 140 umsóknir bárust um tvö ný störf skrifstofu Sjálfstæðisflokksins. Umsóknarfrestur rann út 5. október og hefur Capacent umsóknirnar nú til meðferðar en reiknað er með að ráðið verði í störfin á næstunni.
Fram kemur á vef Sjálfstæðisflokksins, að auglýst var eftir forstöðumanni og verkefnastjóra á samskiptasviði, sem er nýtt svið á skrifstofu flokksins. Er stofnun þess hluti skipulagsbreytinga í Valhöll, sem eiga að vera komnar að fullu til framkvæmda 1. desember.