Ummælin fráleitur þvættingur

Jens Stoltenberg, forsætisráðherra Noregs, segir í bréfi til Jóhönnu Sigurðardóttur ...
Jens Stoltenberg, forsætisráðherra Noregs, segir í bréfi til Jóhönnu Sigurðardóttur að lánið komi ekki til greina.

„Mér finnst það fráleitur þvættingur og dónaskapur að halda því fram að forsætisráðherra Íslands sé að beita sér gegn lánveitingu án skilyrða til okkar Íslendinga,“ segir Jóhanna Sigurðardóttir forsætisráðherra um þau ummæli Höskuldar Þórs Þórhallssonar að hún hafi beitt sér gegn norsku risaláni.

Á fréttavef ABC Nyheter segir, að Stoltenberg hafi í tölvupósti, sem hann sendi Jóhönnu í fyrradag, útilokað að Norðmenn veiti Íslandi hærra lán og jafnframt ítrekað að Ísland verði að uppfylla skilyrði Alþjóðagjaldeyrissjóðsins áður en hægt sé að afgreiða upphaflega lánið.

Sigmundur Davíð Gunnlaugsson, formaður Framsóknarflokksins, tekur undir með Höskuldi að þeim flokksbræðrum hafi í heimsókn sinni til Noregs fyrir helgi, þar sem þeir ræddu við fulltrúa flokkanna um möguleika á lánveitingunni, verið tjáð að Samfylkingin hefði lagst gegn lánveitingunni frá Norðmönnum.

Málatilbúnaðurinn þvættingur

Jóhanna segir þetta af og frá.

„Þetta er bara þvættingur. Ég skil bara ekkert hvað þeim gengur til þessum mönnum að bera slíkt á borð. Þvert á móti sendi ég fyrirspurn um það til Stoltenbergs um hvort það komi til greina að stjórnvöld bjóði okkur 2.000 milljarða króna lán án skilyrða. Ég veit ekki hvað þessir menn halda. Heldur Höskuldur virkilega að forsætisáðherra Noregs fari að búa til svar eftir pöntun frá mér? Þetta er auðvitað algjörlega fráleitt.

Þeir eru auðvitað aðeins að fela það að þeir komi tómhentir til baka. Þetta er ómerkilegur blekkingarleikur sem þeir hafa sett á svið með því að halda því fram að við myndum fá þessi lán. Ég taldi mér skylt að spyrja sérstaklega hvort þau stæðu til boða og það var alveg skýrt.“

Veit ekki við hverja þeir hafi rætt

- Hvernig stendur þá á því að tvímenninganir fullyrði að fulltrúar allra flokkanna, að Verkamannaflokknum undanskyldum, séu mjög jákvæðir í garð lánsins og fylgjandi því að skoða þennan möguleika alvarlega?

„Ég veit ekki við hverja þeir hafa rætt þarna. Miðað við það sem kemur frá þeim um þetta - þar sem þeir fara fram með hrein ósannindi - þá veit ég ekki hverju öðru ég á að trúa sem frá þeim kemur. Það var alveg skýrt í svari Stoltenbergs [...] Ég spurði forsætisráðherrann sérstaklega að þessu, hvort þetta komi til greina. Við hefðum sent formlegt svar ef þetta hefði komið til greina.

Það kom skýrt fram að hvorki innan norsku ríkisstjórnarinnar eða á vettvangi norræna ríkisstjórna hefði verið rætt um að stækka þennan lánapakka sem var ætlaður Íslandi. Þeir lögðu mikla áherslu á norræna samvinnu og að lánin til Íslands væru sameiginlegt verkefni Norðurlanda, eins og verið hefur,“ segir Jóhanna og heldur áfram.

Tekið nógu langan tíma að fá 83 milljarða

„Það geta allir séð að þetta eru 83 milljarðar króna sem að Norðmenn eru að lána Íslendingum en þarna eru framsóknarmenn að tala um einhverja 2.000 milljarða króna. Það hefur tekið nógan langan tíma að fá þessa 83 milljarða þannig að þetta er auðvitað ekki uppi á borðinu og það hefur verið staðfest.

Ég lét kanna það í norska stjórnkerfinu, fjármálaráðuneytinu og á fleiri stöðum áður en ég sendi Stoltenberg þessa fyrirspurn hvort þetta gæti komið til greina. En svarið er alls staðar það sama. Þannig að ég er aldeilis undrandi á þeim að bera slíkt á borð.“

Norðmenn verið okkur velviljaðir

- Tvímenningarnir segja að í Noregi sé mikill vilji fyrir láninu og að 1.000 milljarðar króna myndu duga í þessu samhengi og að því þurfi ekki 2.000 milljarða eins og fulltrúi Miðflokksins hafi sagt að standi til boða. Er þetta virkilega það óraunhæft í ljósi þess að upphæðin er aðeins brot af norska olíusjóðnum? 

„Það er alveg ljóst að Norðmenn hafa verið okkur mjög velviljaðir. Það er alveg ljóst. Engu að síður er þetta svar sem er komið frá þeim og ég er fús til að birta alla pósta og gögn um það sem okkur Stoltenberg hefur farið á milli til þess að afhjúpa þennan þvætting sem þeir eru með að halda því virkilega fram að ég hafi beitt mér gegn þessu láni.

Ég væri fyrsta manneskjan til að fagna því ef við gætum fengið hvort það væru 1.000 milljarðar eða 2.000 milljarðar að láni frá Norðmönnum án skilyrða. Ég væri fyrsta manneskjan til að fagna því. En blákaldar staðreyndir málsins eru þær að þetta er ekki í boði.“

Tilbúin að leggja allt upp á borðið

- Þannig að það hefur enginn flokksbróðir þinn eða systur sent Verkamannaflokknum bréf þar sem að lagst er gegn stærra láni?

„Alls ekki. Ég er tilbúin að leggja allt upp á borðið til að sanna það. Mér finnst að þessir menn eigi að biðjast afsökunar á þessum blekkingum. Þetta er auðvitað bara upphlaup. Þetta er tilraun til að breiða yfir þá sneypuför sem þeir hafa farið í.

Mér finnst það fráleitur þvættingur og dónaskapur að halda því fram að forsætisráðherra Íslands sé að beita sér gegn lánveitingu án skilyrða hingað til okkar Íslendinga. Það sjá þetta allir í hendi sér. Ég er aldeilis undrandi á þessu,“ segir Jóhanna Sigurðardóttir forsætisráðherra.

Jóhanna Sigurðardóttir forsætisráðherra.
Jóhanna Sigurðardóttir forsætisráðherra. mbl.is/Ómar
Sigmundur Davíð Gunnlaugsson, formaður Framsóknarflokksins, kveðst hafa heimildir fyrir því ...
Sigmundur Davíð Gunnlaugsson, formaður Framsóknarflokksins, kveðst hafa heimildir fyrir því að Jóhanna hafi beitt sér gegn risaláni frá Noregi. mbl.is
Höskuldur Þ. Þórhallsson tekur undir þetta.
Höskuldur Þ. Þórhallsson tekur undir þetta. mbl.is/Árni Sæberg
mbl.is

Bloggað um fréttina

Innlent »

Aðstoðuðu grænlenska konu í neyð

13:32 Grænlensk kona varð strandaglópur í Keflavík með tvö ung börn í gær, á sjálfan þjóðhátíðardag Grænlands. Í fyrstu var leitað til danska sendiráðsins sem hafði fá svör. Íslendingar tóku þá höndum saman og skutu skjólshúsi yfir hana og aðstoðuðu með ýmsum hætti. Meira »

Krefjandi leið framundan

13:24 Jón Óli Ólafsson, einn keppenda í einstaklingsflokki WOW Cyclothon, hjólar nú yfir Öxi eftir erfiða nótt að baki. Mikil rigning og mótvindur gerði keppendum erfitt fyrir en veður fer nú batnandi. Meira »

Hópmálsókn gegn Björgólfi vísað frá

13:16 Héraðsdómur Reykjavíkur vísaði í morgun frá hópmálsókn gegn Björgólfi Thor Björgólfssyni. Dómurinn taldi stöðu hluthafanna of ólíka til þess að hægt væri að höfða hópmál, en þetta er í fyrsta sinn sem reynir á svona hópmálsókn. Meira »

Rimantas á tvö börn hér á landi

13:15 Lög­regl­an á höfuðborg­ar­svæðinu hefur fengið farsíma­gögn sem kynnu að gefa vís­bend­ing­ar um hvar Rim­antas Rimkus er að finna. Ekk­ert hef­ur spurst til Rimantas, sem er 38 ára Lithái, frá því um síðustu mánaðamót. Meira »

Fer yfir á ótrúlegum hraða

11:53 Bandaríkjamaðurinn Peter Colijn heldur áfram að auka forskot sitt í einstaklingsflokki WOW Cyclothon hjólreiðakeppninnar og er nú um 150 kílómetrum á undan Jakub Dovrák sem er í öðru sæti. Meira »

„Ekki eftir neinu að bíða“

11:48 „Það er ekki eftir neinu að bíða, við höfum sagt að við ætlum að koma fram með lagafrumvarp strax í haust um þessi mál,“ sagði Benedikt Jóhannesson fjármála- og efnahagsráðherra eftir blaðamanna­fund í ráðuneytinu í morgun. Meira »

Óvænt þátttakandi í brúðkaupi

11:36 „Það var nógu fyndið um daginn þegar ég fékk bæði sms-skilaboð og tölvupóst frá brúðkaupsgestum, en þegar ég fékk tölvupóst frá sýslumanni þá fékk ég kast,“ segir Sigrún Helga Lund, sem hefur síðstu vikur fengið tölvupósta og sms-skilaboð í tengslum við brúðkaup sem fer fram á Vestfjörðum. Meira »

Gott að vera í skjóli Esjunnar

11:45 Veðurspár gera ráð fyrir frekar stífri norðaustanátt um allt land á laugardag en skaplegra veðri á sunnudag. Veðurfræðingur á Veðurstofu Íslands segir að besta veðrið um helgina verði á Suðurlandi, þar verði minnsti vindurinn og minnsta úrkoman og hiti fer í 15 gráður. Meira »

Reyndi að bana manni með hamri

11:25 Karlmaður á þrítugsaldri hefur verið ákærður fyrir tilraun til manndráps. Honum er gefið að sök að hafa slegið mann ítrekað í höfuð og líkama með klaufhamri. Fórnarlambið var greint með flog eftir árásina og líkur eru á varanlegum sjónskaða. Meira »

Hjóluðu brosandi í gegnum Akureyri

10:18 Keppendur í WOW Cyclothon voru glaðir í bragði þegar þeir hjóluðu í gegnum Akureyri og inn Eyjafjörð fyrr í dag, en fréttaritari Morgunblaðsins á svæðinu smellti myndum af keppendum. Meira »

Tekjur sveitarfélaga jukust um 8%

10:17 Tekjur íslenskra sveitarfélaga jukust um 8% milli áranna 2015 og 2016 og hefur tekjuvöxtur samstæðu sveitarfélaganna ekki verið eins hraður frá árinu 2007 þegar hann var 11%. Meira »

Costco lækkar olíuverð enn frekar

09:46 Lítr­inn á díselol­íu hjá Costco hef­ur lækkað úr 158,9 krónum niður í 155,9 krónur. Er verðið tölu­vert lægra en hjá ís­lensku olíu­fé­lög­un­um. Við opnun verslunarinnar þann 23. maí sl. kostaði lítrinn 164,9 krónur. Meira »

Fundinn eftir 16 daga leit

09:26 Kötturinn Gutti Diego sem týndist þann 6. júní á flugvellinum í Alicante er nú fundinn eftir 16 daga leit. Gutti er illa farinn en ennþá lifandi. Meira »

Kalla eftir tvöföldun Reykjanesbrautar

09:03 Mikilvægt er að mörkuð sé heildarstefna fyrir framkvæmdir við Reykjanesbraut innan Hafnarfjarðar, þar sem tímasetning framkvæmda er ákveðin og fjármagn tryggt. Þetta kom fram á fundi bæjarstjórnar Hafnarfjarðar í gær, en þar var minnisblað vegna samgöngumála lagt fram. Meira »

Almenn ánægja meðal foreldra

07:48 96% foreldra leikskólabarna í Reykjavík eru ánægð með leikskólann sem barnið þeirra er í, samkvæmt könnun sem fjallað er um á vef borgarinnar. Meira »

Skógafoss á rauðan lista

09:13 Náttúruvættið Skógafoss hefur verið fært á rauðan lista Umhverfisstofnunar yfir svæði í hættu. Stofnunin gefur árlega út skýrslu um ástand friðlýstra svæða á Íslandi en á tveggja ára fresti er gefinn út svokallaður rauður listi sem byggður er á ástandsskýrslunni. Meira »

Lið Zwift og CCP í forystu

08:35 Keppendur í liðakeppni WOW Cyclothon voru heldur óheppnir með veður í nótt, en mikil rigning var frá Staðarskála til Akureyrar. Samkvæmt nýjustu upplýsingum eru tvö lið í B-flokki í forystu, það eru lið Zwift og lið CCP sem eru komin við Mývatn. Meira »

Mörg börn glíma við geðrænan vanda

07:00 Tæpur fjórðungur íslenskra barna á aldrinum 11-15 ára upplifir tvö eða fleiri einkenni geðræns vanda oftar en einu sinni í viku. Þetta er meðal þess sem kemur fram í nýrri skýrslu UNICEF um stöðu barna í efnameiri ríkjum í ljósi heimsmarkmiða Sameinuðu þjóðanna um sjálfbæra þróun. Meira »

Wow Cyclothon

Skimunarpróf fyrir ristilkrabbameini !!
Eftir hægðir er Ez Detect prófblað sett í salernið. Ef ósýnilegt blóð er til ...
Hyundai Santa Fe 2014
Dökkgrár með dráttarbeisli. Ekinn 55 þús. Flott eintak, einn eig. 2.199 cc. · 19...
Bílalyftur 2 pósta og skæralyftur 1 og 2 metra 3-4-5 tonna
Eigum á lager skæralyftur 3 tonna sem lyfta 1 m og einnig niðurfellanlegar 3 to...
 
Eldri borgarar
Staður og stund
Árskógum 4 Félagsstarfið er með opið í s...
Félagsstarf aldraða
Staður og stund
Árskógum 4 Félagsstarfið er með opið í s...
Deiluskipulag
Tilboð - útboð
Skútustaðahreppur Tillaga að breyting...
Deiliskipulag
Tilboð - útboð
Þingeyjarsveit Auglýsing um skipulags...