Innlent | mbl | 17.10.2009 | 15:28 | Uppfært 16:30

Leysa fjötra fátæktar

Íslandsdeild Amnesty International stóð fyrir uppákomu á Ingólfstorgi í dag í tilefni af upphafi herferðar samtakanna gegn fátækt. mbl.is/Kristinn Ingvarsson

Í tilefni af alþjóðlegum baráttudegi gegn fátækt hefur Íslandsdeild Amnesty International boðað til aðgerða á Ingólfstorgi í dag kl. 16. Þar mun fjöldi einstaklinga í handjárnum losa þau sem tákn um sameiginlegan vilja til að leysa fjötra fátæktar. Aðgerðin markar upphaf herferðar Amnesty International, sem ber heitið Krefjumst virðingar.

Á vef Íslandsdeildar Amnesty International kemur fram að fátækt sé eins og fangelsi sem hinir áhrifamiklu skapi hinum áhrifalausu. Bent er á að milljónir séu fangar hennar vegna óréttlætis, mismununar og ójafnræðis. Amnesty International hyggst berjast af kappi við að leysa fanga fátæktar úr fjötrum mannréttindabrota og vonar að sú barátta verðs jafn kraftmikil og áralöng barátta samtakanna fyrir lausn samviskufanga.

Samkvæmt upplýsingum frá samtökunum búa 840 milljón manns við langvarandi næringarskort í heiminum, 100 milljónir njóta engrar menntunar og á hverju ári deyja 11 milljón börn fyrir fimm ára aldur.

„Þetta ætti ekki að þykja sjálfsagt fremur en pyndingar, óréttmæt fangelsisvist eða ritskoðun. Rétturinn til að lifa með reisn og njóta heilsugæslu, menntunar, húsaskjóls og viðunandi lífsviðurværis er grundvallarmannréttindi. Þess vegna hefur Amnesty International ráðist í þessa herferð til að sýna hvernig fátækt og mannréttindabrot haldast oft í hendur, efla og styðja þá sem mega þola mannréttindabrot og draga þá til ábyrgðar, sem brjóta á réttindum fátækra,“ segir m.a. á vef Íslandsdeildar Amnesty International.

Þar kemur einnig fram að samkvæmt upplýsingum frá Alþjóðabankanum séu 70% þeirra 1.3 milljarða sem búi í örbirgð konur. Sökum þessa ætlar Amnesty International í herferð sinni að leggja sérstaka áherslu á konur og fátækt í herferðinni.

Lögð verði áhersla á fjögur atriði. Þ.e. baráttu gegn mæðradauða og eflingu frjósemisréttinda, réttinn til heimkynna og baráttuna gegn þvinguðum brottflutningi fólks af heimilum sínum og skorti á mannréttindum í fátækrahverfum um heim allan. Lögð verður áhersla á að auka ábyrgð fyrirtækja gagnvart mannréttindum og fátækt og að endingu að binda réttindi í lög til að tryggja að einstaklingar geti dregið stjórnvöld í sínu landi til ábyrgðar fyrir að brjóta efnahagsleg, félagsleg og menningarleg réttindi.

Krefjumst virðingar - herferð Amnesty International

Amnesty International

Innlent »

Framboð auglýst innan viku

17:06 Ráðuneyti innanríkismála mun innan viku ljúka yfirferð framlagðra gagna þeirra einstaklinga sem boðið hafa sig fram til embættis forseta Íslands og í kjölfar þess birta auglýsingu um það hverjir verða í framboði í forsetakosningunum sem fram fara 30. júní næstkomandi. Meira

Fjórar finnskar þotur til Íslands

16:29 Finnar áforma að taka að sér loftrýmisgæslu á Íslandi í þrjár vikur árið 2015 og senda hingað til lands í því skyni fjórar F-18 Hornet orrustuþotur og 50 manna starfslið. Þoturnar verða sendar hingað til lands í tengslum við norrænt samstarf um loftrýmisgæslu við Ísland. Meira

Lögreglan lýsir eftir lettneskri konu

Ligita Solomenceva sem lögreglan leitar að.

17:44 Lögreglan á höfuðborgarsvæðinu lýsir eftir Ligitu Solomenceva, 42 ára konu frá Lettlandi. Fram kemur í tilkynningu frá lögreglunni að síðast hafi verið vitað um ferðir hennar við Meðalfellsvatn sunnudaginn 13. maí síðastliðinn. Meira

Ungu Evrópu dreift til ungs fólks

15:14 „Mikilvægt er að vanmeta ekki þátt ungmenna í þeirri umræðu sem nú stendur yfir um aðildarumsókn Íslands að Evrópusambandinu,“ segir í fréttatilkynningu frá Ungum Evrópusinnum. Meira

Evróvisjón með viðbættu tísti

Svona mun skjárinn líta út hjá þeim sem eru með myndlykil frá Vodafone og stilla ...

14:35 Þeir Evróvisjónáhorfendur sem vilja sjá skoðanir annarra Íslendinga á frammistöðu keppenda geta í kvöld stillt á sérstaka sjónvarpsrás, þar sem tíst-straumur birtist með útsendingu Ríkisútvarpsins. Meira

Kæru vegna sameiningar hafnað

15:41 Innanríkisráðuneytið hefur hafnað kröfu sem því barst í júní á síðasta ári um að sameiginlegar skólastofnana í Reykjavík yrði dæmdar ólögmætar en úrskurðurinn barst kærandanum, Sigríði Jónsdóttir, í gær. Meira

Bryan Ferry lendir

15:10 Söngvarinn Bryan Ferry lendir í Keflavík nú síðdegis. Að sögn Steinþórs Helga Arnsteinssonar dvelst Ferry hér fram á þriðjudag og hlakkar mikið til að sækja landið heim. Meira

Bjart og hlýtt fyrir austan - 21 gráða mældist á Hallormsstað

14:24 Milt og hlýtt veður er um austanvert landið. Hvassara og bleyta á Vestfjörðum. Rigningu er spáð um mestallt land í kvöld en lægir yfir nóttina og birtir til á morgun. Meira

Hvítasunnuhelgin fer vel af stað

13:34 Hvítasunnuhelgin, fyrsta stóra ferðahelgi sumarsins, hefur farið vel af stað um land allt og umferð gengið áfallalaust. Ýmislegt er í boði um landið m.a. hópreið hestamanna á Selfossi, blúshátíð á Hvolsvelli, vísindaveisla á Ísafirði og á Skagaströnd verða listamenn með opið hús. Meira

Þúsund hesta hópreið á Selfossi

Reiknað er með allt að þúsund hrossa hópreið á Selfossi.

12:42 Hross og reiðmenn fjölmenna á Selfoss í dag en vígja á nýja reiðhöll, Sleipnishöllina, í bænum. Meira

Segir LA hafa fengið tekjurnar

13:12 Það er rangt að tekjur af miðasölu Leikfélags Akureyrar af sýningunni Gulleyjunni, sem var í samstarfi við Borgarleikhúsið, hafi runnið suður til Reykjavíkur. LA fékk allar tekjur af sýningunni í vetur. Þetta segir Eiríkur Haukur Hauksson, framkvæmdastjóri Leikfélags Akureyrar. Hann segir fréttaflutning, þar sem annað er gefið í skyn, óheppilegan bæði fyrir LA og Borgarleikhúsið. Meira

Þvert á stefnu ríkisstjórnarinnar

12:09 Jón Bjarnason, þingmaður Vinstri grænna og fyrrverandi landbúnaðar- og sjávarútvegsráðherra, segir framgöngu Landsbankans vera eins og stríðsrekstur og að hún gangi þvert á stefnu ríkisstjórnarinnar í byggðamálum. Jón hefur farið fram á að sérstök umræða fari fram á Alþingi um málið sem allra fyrst. Meira

Þarf meiri tíma til að finna lausn

10:01 „Við vorum með frumvarp um kirkjugarðana á okkar vinnsluborði en það reyndist þurfa meiri skoðunar við innan stjórnsýslunnar,“ segir Ögmundur Jónasson innanríkisráðherra um fjárhagsvanda kirkjugarða landsins. Meira

Alvarlegar tannskemmdir hrjá hesta

09:49 Í vor gafst íslenskum dýralæknum tækifæri til að auka við þekkingu sína í greiningu og meðhöndlun á tannvandamálum og öðrum meinum í munni hesta. Auk lifandi hesta með og án þekktra vandamála var unnið með hrosshausa sem safnað hafði verið í sláturhúsi. Meira

Lét dólgslega og stökk í sjóinn

08:21 Karlmaður á þrítugsaldri gisti fangageymslur lögreglunnar á Akureyri í nótt, eftir að hafa látið dólgslega í miðbæ bæjarins og lagst að því búnu til sunds í sjónum. Maðurinn var afar ölvaður að sögn lögreglu. Meira

Bangsi fer með í Græna herbergið

Greta Salóme Stefánsdóttir á æfingu í Kristalshölllinni í Bakú í gær.

09:59 Íslenski Evróvisjónhópurinn býr sig nú undir lokaæfinguna í Kristalshöllinni í Bakú. Þau eru ekki hjátrúarfull, en segjast hafa tröllatrú á bangsa sem prýddur er íslenska fánanum. Þau munu halda frá Aserbaídsjan skömmu eftir að keppni lýkur. Meira

Nefnd fer yfir vegi og skipulag

09:01 Í ráði er að skipa nefnd til að fara yfir lög og hlutverk sveitarfélaga og ríkisins við ákvarðanir um lagningu vega þar sem ágreiningur er á milli Vegagerðarinnar og sveitarfélaga. Meira

Meiri útgjöld í hreinsun á veggjakroti

07:43 Reykjavíkurborg hyggst auka útgjöld til hreinsunar á veggjakroti á þessu ári. Undanfarin ár hefur hreinsun að mestu verið innan miðborgarinnar en úthverfin hafa setið á hakanum. Meira