Yfir 2000 nauðungarsölubeiðnir

Í lok október höfðu verið skráðar 2.039 nauðungarsölubeiðnir vegna fasteigna hjá sýslumannsembættinu í Reykjavík. Í októbermánuði voru 384 beiðnir skráðar sem er hæsta tala í einstökum mánuði það sem af er þessu ári.

Samtals voru 2.277 nauðungarsölubeiðnir vegna fasteigna skráðar árið 2008 hjá sýslumanninum og því lítur út fyrir að beiðnirnar verði talsvert fleiri í ár. Búið er að selja  182 fasteignir á nauðungarsölu í Reykjavík það sem af er ári, en 161 eign var seld allt árið í fyrra.

Í lok október höfðu 357 bifreiðar verið seldar nauðungarsölu hjá sýslumanninum í Reykjavík. 903 nauðungarsölubeiðnir vegna bifreiða voru skráðar hjá embættinu í janúar til október.

• 3 blogg um fréttina

Bloggað um fréttina

• Bjarni Kjartansson: Óþolandi tilfærsla á eignum
• Sigurður Jónsson: 2000 nauðungarsölubeiðnir. Er þetta Skjaldborgin?
• Jakob Falur Kristinsson: Nauðungaruppboð