LÍÚ vill meiri makríl en Jón

Friðrik J. Arngrímsson, framkvæmdastjóri Landssambands íslenskra útvegsmanna, fagnar því að ákvörðun um makrílafla hafi verið tekin snemma. Ákvörðunin var birt í dag og hljóðar þannig að fari heildarafli íslneskra skipa yfir 130.000 tonn ákveði ráðherra hvort veiðar skuli bannaðar eða takmarkaðar með einhverjum hætti.

Friðrik telur hins vegar að rétt hefði verið að miða við hærri heildarafla en gert er. Hann segir mikilvægt að veiðistjórnun verði þannig að hámarksverðmæti náist fyrir aflann. Þetta kemur fram í frétt sem birt er á vef LÍÚ.

ESB, Noregur og Færeyjar funda í næstu viku um stjórn makrílveiða á árinu 2010. Friðrik segir að sem fyrr sé strandríkisréttur Íslands hunsaður og Íslendingar útilokaðir frá þátttöku í stjórn veiðanna, þrátt fyrir skýlausan rétt þar um, að því er fram kemur í frétt LÍÚ. Mikilvægt hafi verið að tilkynna um aflann fyrir fundinn, svo að þessir aðilar geti tekið tillit til hans við ákvörðun sinnar heildarveiði.

Fréttin öll á vefsíðu LÍÚ

• 7 blogg um fréttina

Bloggað um fréttina

• Hafsteinn Viðar Ásgeirsson: Mikill vill meira og meira og .......endalaust.
• Ingvi Rúnar Einarsson: Makrílinn.
• L.i.ú.: Þeir ættu kannski að fá smá tilsögn hjá grásleppukörlum.
• Hallgrímur Guðmundsson: Ég vil, ég á, ég tek....
• Níels A. Ársælsson.: Gefum kvótalausu aumingjunum smá mola
• Guðrún María Óskarsdóttir.: Setur ákvörðun um makrílveiðar í sjávarútvegsráðuneyti Íslands, aðildarviðræður við Esb …
• Sigurður Þórðarson: LÍÚ vill veðsetja makrílinn