Ágúst Einarsson stjórnarformaður Framtakssjóðs Íslands

Stjórn Framtakssjóðs Íslands, fjárfestingarfélagsins sem 16 lífeyrissjóðir stofnuðu sl. þriðjudag, kom saman til fyrsta fundar síns fyrir helgina og skipti með sér verkum. Ágúst Einarsson, rektor Háskólans á Bifröst, var kjörinn formaður og Ragnar Önundarson, stjórnarformaður Lífeyrissjóðs verslunarmanna, var kjörinn varaformaður. Þetta kemur fram í fréttatilkynningu frá sjóðnum.

Þar kemur fram að fyrsta verkefni stjórnarinnar verði að auglýsa starf framkvæmdastjóra laust til umsóknar og að móta nánar fjárfestingarstefnu fyrir sjóðinn. Stjórnarmenn leggi áherslu á að vinna hratt að málum til að starfsemi Framtakssjóðs Íslands komist á skrið fljótlega á nýju ári.

Aðrir í stjórn eru: Baldur Þór Vilhjálmsson, forstöðumaður eignastýringar hjá Lífeyrissjóði starfsmanna ríkisins, Vilborg Lofts, rekstrarstjóri heilbrigðisvísindasviðs Háskóla Íslands, Þorkell Sigurlaugsson, framkvæmdastjóri fjármála- og þróunarsviðs  Háskólans í Reykjavík, Guðfinna Bjarnadóttir, fyrrverandi alþingismaður, og Auður Finnbogadóttir, framkvæmdastjóri Lífeyrissjóðs starfsmanna Kópavogsbæjar.

• 6 blogg um fréttina

Bloggað um fréttina

• Gísli Foster Hjartarson: Ótrúlegt, hreint út sagt
• Guðrún María Óskarsdóttir.: Auðvitað Samfylkingarmaður var einhver að tala um pólítíska samtryggingu ?
• Jón Snæbjörnsson: Vonandi fara þeir vel með peningana "okkar"
• Erling Garðar Jónasson: Framtakssjóður Íslands, björgunarhringur í feigðarfeni eða feigðarflan?.
• Jóhannes Ragnarsson: Aðeins sósíalísk bylting getur frelsað okkur frá auðvaldshyskinu
• Magnús Sigurðsson: Launþegum gert að láta 12% tekna sinna renna til lífeyrissjóða.