Furðar sig á ummælum fjármálaráðherra
Setja bókamerki
Formaður Framsóknarflokksins furðar sig á því að fjármálaráðherra hafi tjáð sig í fjölmiðlum um fyrstu viðbrögð Breta og Hollendinga við nýjum nýjum tillögum Icesave-nefndarinnar. Það sé hagmunum Íslands ekki til framdráttar. Þetta kom fram í kvöldfréttum Ríkissjónvarpsins.
„Þarna voru kynntar tillögur sem óhætt sé að segja að séu mjög sanngjarnar í garð Breta og Hollendinga. Þeir eru væntanlega að meta þær núna. Ekki margt hægt að segja um það á þessu stigi,“ sagði Sigmundur Davíð Gunnlaugsson formaður Framsóknarflokksins, eftir símafund formanna stjórnmálaflokkanna með samningarnefnd Íslands.
„Það kom mér mjög á óvart að fjármálaráðherra skyldi yfirhöfuð fara að tjá sig um þetta mál á meðan viðræður eru þarna í gangi. Og hefur líklega miklu meira með pólitíkina hérna heima að gera en stöðu mála þarna út. Með því á ég við að hann er að setja þetta í samhengi við það sem hann hefur sagt áður. Ég hef margsinnis kvartað undan því að á mikilvægum tímapunkti í málinu hafa ráðherrar tjáð sig með mjög óheppilegum hætti hvað varðar hagsmuni Íslands. En ég hlýt að treysta því að fjármálaráðherra muni í framhaldinu lýsa sig eindreginn þeirrar skoðunar að við munum standa vörð um stöðu Íslands.“
Átta létust og 229 slösuðust alvarlega
Stjórnvöld hafa tvo mánuði til að bregðast við
Olíufélögin fái milljarða í afslátt frá borginni
Ekki tekið heiðarlegt samtal við ríkisstjórnarborðið
„Ættir þú ekki frekar að bjóða þig fram til Alþingis?“
Hluti peninganna kominn í leitirnar
90% samþykktu verkfallsaðgerðir