Eldur kviknaði í fólksbíl í Kórahverfinu í Kópavogi á þriðja tímanum í nótt.
Bíllinn stóð í bílastæði við fjölbýlishús og var orðinn alelda þegar slökkvilið mætti á vettvang.
Stefán Kristinsson, varðstjóri hjá slökkviliðinu á höfuðborgarsvæðinu, segir að slökkviliðið hafi fljótt náð tökum á eldinum. Altjón hafi þó orðið á bifreiðinni.
Upplýsingar um eldsupptök liggja ekki fyrir.