Gengið frá garðhausunum

Þótt enn sé töluverð undiralda er loksins komið gott veður til að ljúka vinnu við hafnargarðana í nýrri Landeyjahöfn. Helgi B. Gunnarsson yfirverkstjóri Suðurverks við verkið er bjartsýnn á að vel miði næstu daga.

Vinna við hafnargarðana er háð veðri og sjólagi. Sunnan- og austanáttir hafa verið ríkjandi í vetur og hefur það tafið vinnu við frágang garðhausana sem ná lengst út í sjó.

Helgi segir að betra sé að vinna í norðanáttinni, jafnvel þótt hann blási. 

Starfsmenn hans eru að ljúka við að reka niður stólpana sem munu bera uppi hafnarkantinn og í dag verður farið með krana út á garðendana til að setja þar út leiðara. Eftir það verður hægt að ganga frá hausunum og byrja á að keyra út efsta lagið. Byrjað er á hausunum og unnið í land.

• 1 blogg um fréttina

Bloggað um fréttina

• Gunnar Th. Gunnarsson: Suðurverk með niðrum sig