Allt á kafi í snjó á Akureyri

Segja má að á Íslendingar búi í tveimur löndum þegar litið er til veðurfars. Helgarhríðin á Akureyri skildi allt eftir á kafi í snjó, á meðan götur Reykjavíkur voru rykbundnar í nótt til að draga úr svifryki. Snjó kyngir nú niður á Akureyri og börnin sem ganga hér heim úr skólanum eru vel dúðuð í stíl við veðurfarið.

Um 2.600 manns brunuðu í skíðabrekkunum í Hlíðarfjalli á Akureyri á laugardag. Það nálgast það að vera met. „Hér er hvítt ofan úr fjalli og niður í fjöru. Aðstæður eru eins og best getur orðið,“ sagði Guðmundur Karl Jónsson, forstöðumaður í Hlíðarfjalli, í samtali við Morgunblaðið.

Í Bláfjöllum eygja menn nú von um að hægt verði að opna um næstu helgi. Spár veðurfræðinga gefi fyrirheit um snjókomu síðari hluta viku.

• 1 blogg um fréttina

Bloggað um fréttina

• Rakel Sigurgeirsdóttir: Get ekki á mér setið þar sem fréttin er frá …