Talsverður kraftur er í gosinu á Fimmvörðuhálsi og stíga eldsúlurnar tignarlega til himins úr gígnum, sem þar hefur myndast eins og sést á meðfylgjandi mynd, sem Ragnar Axelsson, ljósmyndari Morgunblaðsins, tók nú laust fyrir klukkan 9. Hraun rennur úr gossprungunni og nær orðið yfir stórt svæði.

Að sögn Veðurstofunnar fór eldvirknin í Eyjafjallajökli hægt vaxandi í nótt. Það dró úr óróanum og hann jókst á víxl en þrír megintoppar greindust rétt fyrir miðnættið, um eittleytið og svo um fjögurleytið. 

Lögreglan á Hvolsvelli vill árétta að vegurinn inn á Emstrur fyrir innan Fljótsdal er lokaður vegna aurbleytu og sömuleiðis vegurinn í Tindfjöll. Þá er Þórsmerkurvegur lokaður við Stóru-Mörk bæði vegna aurbleytu og hættu sem getur stafað af hlaupum úr jöklinum. Vegurinn um Hamragarðaheiði er lokaður ásamt veginum upp á Fimmvörðuháls.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 4 blogg um fréttina

Bloggað um fréttina

• Njörður Helgason: Gos utan jökuls fínt fyrir augun.
• Jón Halldór Guðmundsson: Eldfjallið á að heita "Kötturinn".
• S i g u r ð u r S i g u r ð a r s o n: Hvenær fer að flæða ofan í Hvannárgil?
• Axel Þór Kolbeinsson: Viltu sjá gosið?