Bráðadeildir sameinaðar

Tvær stærstu bráðadeildir Landspítalans verða sameinaðar í eina bráðamóttöku í Fossvogi fimmtudaginn 8. apríl 2010.  Í framhaldi af því tekur hjartamiðstöð til starfa við Hringbraut þar sem áhersla verður á dag-  og göngudeildarþjónustu auk bráðaþjónustu fyrir hjartasjúklinga á virkum dögum.

Samkvæmt frétt Landspítalans hefur markvisst undirbúningsstarf verið unnið með þátttöku að minnsta kosti 160 starfsmanna í 36 starfshópum. Hlutverk þeirra hefur verið að yfirfara helstu ferla varðandi móttöku og meðferð hinna ýmsu bráðavandamála með það að markmiði að tryggja örugga þjónustu. 

Húsnæðinu í Fossvogi hefur verið breytt og bætt til að mæta auknum fjölda sjúklinga. Ný viðbygging var reist til að bæta aðkomu að deildinni og aðstöðu sjúklinga og starfsmanna.

• 1 blogg um fréttina

Bloggað um fréttina

• Guðrún María Óskarsdóttir.: Margt gott að gerast í heilbrigðismálum.