Trúnaðarmál kynnt lífeyrissjóðum

Hvorki Isavia (áður Flugstoðir) né samgönguráðuneytið vilja afhenda upplýsingar um viðskiptaáætlun um rekstur fyirhugaðrar Samgöngumiðstöðvar við Reykjavíkurflugvöll.

Morgunblaðið óskaði eftir aðgangi að þessum upplýsingum á grundvelli upplýsingalaga, m.a. með þeim rökum að viðskiptaáætlunin hefði þegar verið kynnt lífeyrissjóðum en ríkisvaldið hefur áhuga á að lífeyrissjóðirnir láni til verkefnisins. Þá ætti aðstoðarmaður samgönguráðherra sæti í vinnuhópnum sem hefði unnið að viðskiptaáætluninni.

Samgönguráðuneytið segir að þar sé að finna trúnaðarupplýsingar sem ekki sé hægt að láta af hendi meðan unnið sé að frágangi málsins sem vonandi sé á lokastigi.