Íslendingur vann 98,7 milljónir í Víkingalottóinu

Það var Íslendingur sem datt í lukkupottinn þegar dregið var í Víkingalottóinu í kvöld en aðeins einn miði var með allar tölurnar réttar og hlýtur hann því allan pottinn eða 98,7 milljónir.

Miðinn var keyptur í Snælandi við Austurveg 46 á Selfossi og er 10 raða sjálfvalsmiði án Jókers sem kostaði 500 krónur. Þetta er þriðji stærsti vinningur sem Íslendingur hefur unnið í leikjum Íslenskrar getspár. Og það er mikið um stóra vinninga hjá Íslenskri getspá þessa dagana því fyrsti vinningur í Lottóinu er fjórfaldur næstkomandi laugardag og stefnir í 23 milljónir, að því er segir í tilkynningu.

• 1 blogg um fréttina

Bloggað um fréttina

• Kristján Jón Sveinbjörnsson: Ekki veitir af innspýtingu gjaldeyris inn í hagkerfið