Innlent | mbl | 25.7.2010 | 16:47

Gæti ógnað ríkisstjórninni

Frá Suðurnesjum. mbl.is/Ómar

„Það kemur bara í ljós. Ég veit ekkert um það. Það er fimm manna ráðherranefnd sem er að vinna í málinu og maður bíður bara eftir þeirri niðurstöðu. Ég nenni ekki að tala í ef eða kannski. Það kemur í ljós,“ segir Atli Gíslason, þingmaður VG, aðspurður hvort Magma-málið ógni lífi stjórnarinnar.

„Það er grundvallaratriði í stefnu Vinstri grænna að auðlindirnar séu í þjóðareign. Það er líka í samstarfsyfirlýsingu ríkisstjórnarinnar. Þannig að ég tala bæði fyrir stefnu Vinstri grænna og samstarfsyfirlýsingunni. Það kemur skýrt fram þar að auðlindirnar eiga að vera þjóðareign.“

Forsenda samstarfsins

- Þannig að þetta er forsenda þess að þið styðjið ríkisstjórnina?

„Já. Fyrir mér er það. Þetta er algert grundvallaratriði,“ segir Atli sem kveðst styðja heilshugar þá skoðun flokkssystur sinnar Guðfríðar Lilju Grétarsdóttur að hún geti ekki stutt ríkisstjórnina nema fallið verði frá samningnum.

„Hún talar út frá mínu hjarta.“

Atli segir grasrót flokksins hafa lýst yfir „megnri óánægju með að auðlindirnar skuli vera að fara í einkaeign“.

Spurður hvort hann telji að herferð Bjarkar Guðmundsdóttur söngkonu eigi þátt í þeim aukna þunga sem verið hefur í málinu síðustu daga segir Atli ekki fráleitt að ætla svo. „Það kann mjög vel að vera. Ég útiloka það ekki.“

Gagnrýnir stjórnsýsluna

Atli segir þolinmæði stuðningsmanna VG á þrotum.

„Það hafa líka komið fram nýjar upplýsingar sem gera þetta að verkum. Stjórnsýslan í kringum þessa nefnd er ekki góð.“

Spurður hvort hann sé sammála Steingrími J. Sigfússyni fjármálaráðherra um að rifta beri samningum við Magma Engery kveðst Atli fremur vilja tala um ógildingu í þessu efni, enda sé samningurinn ólögmætur og ógildur.

„Þetta er ekki spurning um riftun heldur er þetta ógildur samningur. Hann stenst ekki lög um erlendar fjárfestingar né heldur reglur um Evrópska efnahagssvæðið, að menn fari bakdyramegin inn í svæðið.“

Atli heldur áfram og bætir því við að stofnun skúffufyrirtækis í Svíþjóð um starfsemi Magma Energy sé „málamyndagerningur og markleysa“.

Atli Gíslason. Árni Sæberg

Innlent »

Umferðaróhapp á Hafnarfjarðarvegi

06:08 Umferðaróhapp varð laust eftir miðnætti á Hafnarfjarðarvegi við Arnarnesbrú. Ökumaður var fluttur á slysadeild en meiðsl hans eru ekki talin alvarleg. Grunur leikur á um ölvun við akstur. Meira

Repjuolía tilvalin á norðurslóðum

05:30 Brýnt er að aðrir orkugjafar en jarðdísilolía verði notaðir í skipasiglingum um norðurslóðir að sögn Jóns Bernódussonar, verkfræðings hjá Siglingastofnun, en brennsla hennar getur aukið á bráðnun íss á svæðinu. Meira

Gríðarmikil óánægja með lokun útibúa

05:30 Halldór Halldórsson, formaður Sambands íslenskra sveitarfélaga, kveðst hafa orðið var við gríðarmikla óánægju á meðal sveitarstjórnarmanna vegna ákvörðunar Landsbankans um fækkun starfsstöðva. Meira

Loka þyrfti 15-20 hellum

Hellinum Jörundi hefur verið lokað fyrir allri umferð, bæði fyrir hellamönnum og öðrum, til að ...

05:30 Hellarannsóknafélag Íslands vill að 15-20 hellum á landinu verði lokað á næstu árum til að forða þeim frá skemmdum. Ef ekkert verði að gert skemmist hellarnir enn frekar. Um leið þurfi að huga að því að auðvelda aðgengi að þeim hellum sem hægt er að skoða án þess að valda skemmdum. Meira

7.000 vinnustundir að baki

Á deildinni í Kópavogi verða átta rúm opin í sumar.

05:30 Að baki nýbyggingu við líknardeild í Kópavogi liggja nærri sjö þúsund vinnustundir en ljóst er að byggingin verður ekki tekin í notkun fyrr en í fyrsta lagi í haust sökum frekari sparnaðaraðgerða á Landspítalanum, sem fram hafa komið hjá Birni Zoëga, forstjóra Landspítalans. Meira

Ótryggðir úti á túni

Vafi leikur á því í frumvarpinu hvort ökumenn sem lenda í umferðaróhappi á bílastæði væru ...

05:30 Alvarlegar athugasemdir eru gerðar við að slysatrygging ökumanns ökutækis verði takmörkuð frá því sem nú er og að hún gildi einungis í almennri umferð, þ.e. „á vegum sem opnir eru almenningi“. Tillaga þess efnis er í frumvarpi um ökutækjatryggingar sem liggur fyrir Alþingi. Meira

Slitastjórn kannaði störf Pars Per Pars

05:30 Slitastjórn Glitnis lét kanna sérstaklega hvort tveir fyrrverandi lögreglumenn hefðu „stytt sér leið“ í störfum sínum fyrir slitastjórnina. Meira

Bjartviðri víðast hvar

04:35 Breytileg átt, víða 3-8 m/s, verður á landinu í dag og bjartviðri, en skýjað og sums staðar þokuloft fram eftir morgni, einkum vestantil. Hæg austlæg eða breytileg átt undir hádegi og yfirleitt léttskýjað. Hiti 8 til 20 stig, hlýjast í innsveitum. Meira

Fimm teknir fyrir of hraðan akstur við Borgarnes

Í gær, 23:30 Fimm voru teknir fyrir að aka of greitt í grennd við Borgarnes í dag. Að öðru leyti virðist þessi fyrsta ferðahelgi sumarsins hafa gengið vel í umferðinni víðast hvar um landið. Meira

Eldhúsdagsumræðu á Alþingi

Í gær, 21:07 Eldhúsdagsumræður fara fram á Alþingi annað kvöld. Samkvæmt starfsáætlun þingsins á að fresta fundum Alþingis á fimmtudag, en talið er ólíklegt að sú áætlun standist. Meira

Mótorhjólamenn fjölmenntu í messu

Í gær, 21:56 Það var talsvert annað yfirbragð yfir messu í Digraneskirkju í kvöld en venjulega, en þar fór fram svokölluð mótorhjólamessa. Í kirkjunni voru leðurklæddir mótorhjólamenn og utan við kirkjuna var röð glæsilegra mótorhjóla. Meira

Hrapaði ofan í gil

Í gær, 19:31 Bresk kona stórslasaðist þegar hún hrapaði ofan í gil stutt frá tjaldstæðinu við Hamragarða, skammt innan við Seljalandsfoss við Þórsmerkurveg. Meira

Konan fannst látin

Í gær, 19:11 Lettneska konan sem leitað hefur verið að við Meðalfellsvatn fannst látin síðdegis í dag. Hennar hafði verið saknað frá 13. maí. Flest bendir til að talsvert sé síðan hún lést. Meira

Kiwanismenn máluðu vitann

Kiwanismaðurinn Björn Viðar mundar rúlluna af fagmennsku.

Í gær, 18:08 Félagar í Kiwansiklúbbnum Skjálfanda á Húsavík notuðu veðurblíðuna í dag til að mála vitann á Húsavíkurhöfða en hann var farinn að láta á sjá. Meira

Bensíngjöfin festist niðri

Í gær, 17:46 Bifreið skemmdist þegar henni var ekið stjórnlaust inn í trjágróður við Hvassaleiti í Reykjavík um kl. 13:30 í dag. Meira

Sé ekki í samkeppni við þingið

Þóra Arnórsdóttir og maður hennar, Svavar Halldórsson, með dótturina sem fæddist 18. maí sl.

Í gær, 18:09 Þóra Arnórsdóttir forsetaframbjóðandi segir að forseti sem rekur eigin stjórnmálastefnu í samkeppni við þjóðkjörið þing geti ekki ræktað sitt meginhlutverk sem sé að vera sameiningarafl. Meira

Leitarmenn kallaðir til baka

Í gær, 18:03 Búið er að kalla til baka þá sem leitað hafa að lettnesku konunni við Meðalfellsvatn í dag. Ekki hafa borist staðfestar fréttir af örlögum konunnar. Meira

Þröstur og Bragi jafnir

Í gær, 17:27 Jafntefli varð í fjórðu og síðustu skák úrslitaeinvígis Braga Þorfinnssonar (2449) og Þrastar Þórhallssonar (2424) um Íslandsmeistaratitilinn í dag en teflt var í Stúkunni við Kópavogsvelli. Meira