Óvenjuleg snekkja í heimsókn

Óvenjuleg snekkja sigldi inn sundin við Reykjavík í dag. Um er að ræða  Octopus, sem er ein stærsta snekkja heims og er í eigu Paul Allen, sem stofnaði Microsoft ásamt Bill Gates á sínum tíma.

Octopus er sögð vera 9. stærsta snekkja heims og sú þriðja stærsta í einkaeigu.  Hún er 126 metrar að lengd og á henni eru tvö þyrluþilför og í lestinni eru sagðir leynast tveir rannsóknarkafbátar. 

Snekkjan var smíðuð í Lürssen í Bremen og HDW í Kiel.  

Paul Allen, sem er 57 ára að aldri, er talinn 37. ríkasti maður heims og eignir hans eru metnar á 13,5 milljarða dala. Hann er forstjóri fjárfestingarfélagsins Vulcan Inc. Þá á hann einnig þrjú atvinnumannalið í íþróttum, þar á meðal körfuboltaliðið Portland Trail Blazers.  

• 2 blogg um fréttina

Bloggað um fréttina

• Ólafur Tryggvason Þorsteinsson: Fá Octopus lánaða
• Anepo: allt um snekkjuna