Raforkukerfið komið í eðlilegt ástand á ný

Truflunin sem hófst kl 11:15 í raforkukerfinu er nú yfirstaðin og er raforkukerfið komið í eðlilegan rekstur, samkvæmt upplýsingum frá Landsneti.  

Samkvæmt verndaráætlun raforkukerfisins var því tímabundið skipt upp í eyjar til að verjast trufluninni og koma í veg fyrir straumleysi.  

Hluti stóriðjuálags leysti út en er núna komið aftur í eðlilegan rekstur.  Ekkert rof varð á afhendingu til dreifiveitna en vart var við spennusveiflur víða, einkum á Norður- og Austurlandi meðan á truflanarekstri stóð. 

Nánari greining á atburðarrás og orsökum truflunar stendur yfir en þetta er í þriðja skiptið á nokkrum mánuðum þar sem alvarlegar truflanir verða á raforkukerfi landsins.

• 1 blogg um fréttina

Bloggað um fréttina

• Benedikt V. Warén: Hvað er að rafkerfinu?