Slokknað hefur á götulýsingu í október á sama tíma og grunnskólabörn ganga í skólann á morgnana.
Forstöðumaður rannsóknarnefndar umferðarslysa segir um óþarfa áhættu að ræða en samkvæmt upplýsingum frá Reykjavíkurborg var um mistök að ræða sem leiðrétt verða.
Árvökult foreldri hafði samband við Morgunblaðið og benti á að á sama tíma og hvatt væri til að börnin gengju í skólann væri slökkt á götulýsingunni á meðan á göngunni stæði. Gögn frá Reykjavíkurborg staðfestu orð foreldrisins, að því er fram kemur í blaðinu í dag.