Einungis fjögur óhöpp á 23 dögum

Árangur af öryggisdögum Strætó bs. og VÍS er framar björtustu vonum, en þetta sex vikna átak í öryggismálum í umferðinni er rúmlega hálfnað.

Einungis fjögur óhöpp hafa orðið í akstri strætisvagna frá því átakið hófst, sem eru umtalsvert færri óhöpp en hefðbundið er á þessum árstíma.

Eitt af markmiðum átaksins var að óhöpp hjá Strætó verði færri en 28 á meðan á öryggisdögunum stendur, en það var fjöldi óhappa á sama sex vikna tímabili í fyrra. Þar sem átakið er nú rétt rúmlega hálfnað stefnir því í að fjöldi óhappa verði langt undir markmiði öryggisdaganna.