Samstaða um eitt skattafrumvarp

Alþingi afgreiddi eftir hádegið ýmis skattafrumvörp ríkisstjórnarinnar sem lög. Um eitt þessara frumvarpa voru allir þingmenn sammála, um sérstakan skatt á fjármálafyrirtæki og greiddu allir viðstaddir þingmenn, 51 að tölu,  atkvæði með frumvarpinu.

Gert er ráð fyrir að skatturinn skili ríkissjóði um 1 milljarði króna í tekjur á næsta ári.  Gert er ráð fyrir að skattstofninn verði 0,041% af heildarskuldum samkvæmt skattframtali að frádregnum tryggðum innstæðum hjá Tryggingarsjóði innstæðueigenda og fjárfesta.

Í atkvæðagreiðslum um önnur skattafrumvörp sátu þingmenn stjórnarandstöðunnar ýmist hjá eða greiddu atkvæði á móti þeim.  Alþingi samþykkti m.a. lög um ráðstafanir í ríkisfjármálum, um skatta og gjöld, um virðisaukaskatt og um vörugjald af ökutækjum, eldsneyti og fleiru.

Þá samþykkti Alþingi einnig lög um  vexti og verðtryggingu, sem fjallar um uppgjör svonefndra gengistryggðra lána.

• 2 blogg um fréttina

Bloggað um fréttina

• Jóhann Elíasson: HÖFÐU ÞEIR SEM VANTAÐI BOÐAÐ LÖGLEG FORFÖLL???????????????
• Björn Birgisson: Undantekningin sannar regluna