Brjóstmynd af Gylfa afhjúpuð

Brjóstmynd af Gylfa Þ. Gíslasyni, fyrrverandi formanni Alþýðuflokksins, ráðherra og prófessor, var afhjúpuð við athöfn í hátíðarsal Háskóla Íslands í dag. Brjóstmyndina gerði Erlingur Jónsson myndhöggvari.

Það var langafabarn Gylfa, Gylfi Þorsteinn Gunnlaugsson, sem afhjúpaði brjóstmyndina.

Gylfi var fæddur 1917 og lést 2004. Hann sat á Alþingi 1946-1978. Hann var ráðherra á árunum 1956-1971.

Gylfi var skipaður dósent í viðskiptafræði við Háskóla Íslands árið 1941 og var skipaður prófessor í laga- og viðskiptadeild Háskóla Íslands árið 1946. Eftir að hann hætti sem ráðherra kenndi hann viðskiptafræði við HÍ allt til ársins 1987.

• 2 blogg um fréttina

Bloggað um fréttina

• Björn Birgisson: Gylfi Þ. Gíslason (1917 - 2004). Minningu góðs manns sýndur …
• Ómar Ragnarsson: Einstakur heiðursmaður.