Völdu Ólaf Ragnar Íslending ársins

Lesendur vefritsins Pressunnar.is völdu Ólaf Ragnar Grímsson, forseta Íslands, Íslending ársins 2010. Segir í tilkynningu að Ólafur Ragnar hafi borið höfuð og herðar yfir aðra í valinu. 

Steingrímur Sævarr Ólafsson, ritstjóri Pressunnar, afhenti Ólafi Ragnari viðurkenningarskjal að Bessastöðum í dag. Haft er eftir Ólafi Ragnari að honum hafi þótt  merkilegt að finna á árinu sem er að líða, hvernig það hafi verið hægt að tala við þjóðina með þeim hætti sem ekki hafi verið mögulegt áður. 

„Það er hægt að koma íslenskum sjónarmiðum á framfæri við veröldina á öflugri hátt. Ég tek eftir því að skilningur á okkar stöðu hefur eflst og styrkst eftir þessi viðtöl sem ég hef átt við erlenda fjölmiðla," er haft eftir Ólafi Ragnari í tilkynningunni. 

• 3 blogg um fréttina

Bloggað um fréttina

• Guðmundur Jónas Kristjánsson: Forseti vor Íslendingur ársins !
• Axel Þór Kolbeinsson: Verðskuldaður titill
• Guðlaugur Hermannsson: Ég er 100% sammála lesendum vefritsins Pressunnar.is