Fréttaskýring: Endurvinnslugjald lagt á hvert heimili

Dagblöð eru stór hluti alls sorps í heimilistunnum á höfuðborgarsvæðinu.
Dagblöð eru stór hluti alls sorps í heimilistunnum á höfuðborgarsvæðinu. mbl.is/Ásdís

Reykjavíkurborg leggur á þessu ári á nýtt gjald til að standa undir sínum hluta af rekstri endurvinnslustöðva Sorpu bs. Gjaldið er 4.378 krónur og leggst á hvert heimili í borginni, óháð notkun og fjölda í heimili. Þeir sem hafa endurvinnslutunnur við heimili sín, sem þeir greiða sérstaklega fyrir, fá engan afslátt.

Gjaldið er innheimt með fasteignagjöldum 2011. Gert er ráð fyrir að samtals muni gjaldtakan skila um 217 milljónum, sem er hlutur Reykjavíkurborgar í rekstri endurvinnslustöðva Sorpu bs. Áður var þessi fjárhæð greidd af útsvari.

Örn Sigurðsson, skrifstofustjóri umhverfis- og samgöngusviðs, sagði að samkvæmt lögum um úrgang ætti að innheimta gjöld vegna sorphirðu í samræmi við kostnað. Garðabær hefði m.a. innheimt sambærilegt gjald. Hugsunin væri sú að endurvinnslustöðvar sinntu þjónustu og fyrir hana væri innheimt gjald. Ekki hefði verið hægt að miða gjaldið við notkun enda ómögulegt að mæla það magn af flokkuðu sorpi sem er skilað.

Margir borgarbúar eru með endurvinnslutunnur við heimili sín, ýmist frá borginni eða einkaaðilum. Gjald fyrir tunnu frá einkaaðilum er um 1.000 krónur á mánuði. Sorp sem fer í endurvinnslutunnur frá einkaaðilum veldur borginni engum útgjöldum, heldur þvert á móti. Sá sem er með endurvinnslutunnu hendir minna sorpi í venjulegu svörtu tunnuna og fer væntanlega að jafnaði sjaldnar á endurvinnslustöðvar.

Lægri kostnaður af flokkuðu

Aðspurður hvort ekki sé sanngjarnt að þeir sem eru með endurvinnslutunnur fái afslátt af gjaldi vegna endurvinnslustöðva, bendir Örn á þeir noti líka endurvinnslustöðvar. Þar að auki búi borgin ekki yfir upplýsingum um hverjir séu með endurvinnslutunnur og hverjir ekki. Þetta hafi þó verið tekið til skoðunar. „Aðalatriðið er að niðurstaðan var að hafa gjaldið lágt,“ sagði Örn. Með því að leggja þetta gjald á hefði verið hægt að komast hjá því að hækka sorphirðugjald sem að öðrum kosti hefði hækkað.

Mun ódýrara er fyrir borgina að taka á móti flokkuðum úrgangi. Kostnaður vegna flokkaðs sorps er um 4-5 krónur en óflokkaðs sorps um 12 krónur, að sögn Arnar.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:

Bloggað um fréttina

Fleira áhugavert
Fleira áhugavert