Krefjast þjóðaratkvæðagreiðslu

Stjórn Þórs, félags ungra sjálfstæðismanna á Akranesi, krefst þess í yfirlýsingu sinni að þingflokkur Sjálfstæðisflokksins fari fram á þjóðaratkvæðagreiðslu um fyrirliggjandi frumvarp fjármálaráðherra um nýjasta Icesave-samkomulag ríkisstjórna Íslands, Bretlands og Hollands.

Stjórnin minnir á að íslenska þjóðin hafi hafnað síðasta Icesave-samkomulagi með 98% greiddra atkvæða, „og á, úr því sem komið er, siðferðilegan rétt á því að fá að segja hug sinn til þess nýjasta, áður en lokaákvörðun um það er tekin," segir í yfirlýsingu sem Þór sendi fjölmiðlum í kvöld. 

Þetta telur stjórn Þórs vera forsendu þess að almenningur, flokksbundinn sem og óflokksbundinn, geti endanlega náð sáttum um „þetta mikilvæga mál.“

• 3 blogg um fréttina

Bloggað um fréttina

• ÞJÓÐARHEIÐUR - SAMTÖK GEGN ICESAVE: Umfjöllun Evrópuríkisins afhjúpar svik Steingríms J. Sigfússonar
• Jóna Kolbrún Garðarsdóttir: Sammála stjórn Þórs
• Guðrún María Óskarsdóttir.: Þjóðaratkvæðagreiðsla er eðlileg krafa þjóðarinnar.