Ræddi við Svía um aðildarumsóknina að ESB

Jón Bjarnason, sjávarútvegs- og landbúnaðarráðherra, veitti í gær viðtöku Evrópunefnd sænska ríkisdagsins. Fram kemur í tilkynningu að þingmennirnir, sem séu hér í stuttri heimsókn ásamt fjárlaganefnd, hafi m.a. rætt um aðildarumsókn Íslands að ESB.

Segir að sænsku þingmennirnir hafi lagt áherslu á að Ísland sé velkomið í Evrópusambandið. 

Fram kemur að Jón hafi gert nefndinni grein fyrir aðildarumsókn Íslands og þeim skilyrðum sem samninganefnd Íslands séu sett af Alþingi og hvernig um þau sé fjallað í aðildarviðræðum. Þá hafi hann greint frá sinni afstöðu og afstöðu síns flokks til ESB aðildar. Hann gat þess að aðeins einn flokkur á Alþingi hefði aðild að ESB á stefnuskrá sinni.

Nánar á vef ráðuneytisins.

• 2 blogg um fréttina

Bloggað um fréttina

• Gísli Foster Hjartarson: Skondinn hann Jón
• Sigurður Jónsson: Ætli Svíarnir hafi eitthvað botnað í Jóni Bjarnasyni?