123 milljarða lán á gjalddaga í ár

Þrjú erlend lán íslenska ríkisins eru á gjalddaga á þessu ári, samtals að fjárhæð 775 milljónir evra, eða jafnvirði 123 milljarða króna. Gert er ráð fyrir endurfjármögnun lánanna í samræmi við stefnu ríkisins í lánsfjármögnun í erlendum gjaldmiðlum.

Þetta kemur fram í svari fjármálaráðherra á Alþingi til Vigdísar Hauksdóttur, þingmanns Framsóknarflokks.

Í nóvember 2006 tók ríkissjóður 1 milljarðs evru lán og veitti andvirði lánsins til Seðlabanka Íslands til að styrkja gjaldeyrisforða bankans. Staða þess láns, eftir uppkaup skulda 2010, er 638 milljónir evra.

Í september 2008 tók ríkissjóður 300 milljóna evru lán í sama tilgangi. Staða þess láns eftir uppkaup 2010 er 75 milljónir evra.

Þá er 61,5 milljóna evra afborgun af 401,5 milljóna evra skuldabréfi sem ríkissjóður gaf út 2010 í tengslum við kaup á eignavörðum skuldabréfum Avens B.V.

• 3 blogg um fréttina

Bloggað um fréttina

• Sigurður Haraldsson: Nákvæmlega.
• Haraldur Haraldsson: 123 milljarða lán á gjalddaga í ár/hvað segir þetta okkur,:að …
• Gunnar Heiðarsson: Hverju fleiru hefur fjármálaráðherra logið að þjóðinni ?