Funda um vesturbæ í austurbæ

Jón Gnarr borgarstjóri og Oddný Sturludóttir, formaður menntaráðs, hafa boðað foreldra leik- og grunnskóla í vesturbæ Reykjavíkur til fundar nk. laugardag. Fundurinn fer þó ekki fram í vesturbænum heldur í Hlíðaskóla í austurbænum, en foreldrar barna í leikskólum í miðborg og Hlíðum hafa einnig verið boðaðir til fundarins.

Menntasvið Reykjavíkurborgar boðar foreldrana formlega til fundar í Hlíðaskóla kl. 14 á laugardag. Um er að ræða grunnskólana Grandaskóla, Hagaskóla, Melaskóla og Vesturbæjarskóla, en þar eru um 1.600 nemendur.

Leikskólarnir sem um ræðir eru Barónsborg, Lindarborg, Njálsborg, Hamraborg, Sólbakki, Sólhlíð, Hlíðaborg, Dvergasteinn og Drafnarborg. Um 500 börn eru í þessum leikskólum, þannig að ef velflestir foreldrar mæta á fundinn er hætt við að þéttsetið verði í Hlíðaskóla.

• 1 blogg um fréttina

Bloggað um fréttina

• Ólafur Ragnarsson: "hr Gnarr"