Icesave í ljósum logum

Hönnunarstofan Björg í bú hefur hannað sérstök Icesave-kerti. Með þeim má brenna upp Icesave á ljúfri kvöldstund, að sögn hönnunarstofunnar. Kertin lýsa jafnt þeim sem segja já og nei við Icesave.

„Tilefni til að kveikja á kertunum geta verið til að fagna niðurstöðu kosninganna eða brenna burt leiðindin sem hafa fylgt þessu     langdregna máli.

Kertin fást í öllum Icesave litunum og á þeim öllum hefur Icesave     grafið sig inn í kertin eins og það hefur grafið sig inn í þjóðarsálina að undanförnu,“ segir í tilkynningu frá Björg í bú.  

Kertin eru framleidd á vernduðum vinnustað en Björg í bú umbreytir þeim í Icesave kerti.

• 2 blogg um fréttina

Bloggað um fréttina

• Magnús Helgi Björgvinsson: JÁ kvætt innlegg í Icesave umræður
• Guðmundur Ásgeirsson: Brennum IceSave upp til agna