Fundað í Karphúsinu

Aðilar vinnumarkaðarins funda nú með fulltrúum stjórnvalda í húsi ríkissáttasemjara, en fundurinn er nýhafinn.

„Ef þetta gengur þá halda menn áfram þar til yfir lýkur,“ sagði Vilhjálmur Egilsson, framkvæmdastjóri Samtaka atvinnulífsins, í samtali við mbl.is, rétt áður en fundurinn hófst.

Fram hefur komið að aðilar vinnumarkaðarins muni reyna til þrautar í dag að ná saman um kjarasamning til þriggja ára en gangur komst á ný í kjaraviðræðurnar í gærmorgun eftir útspil frá ríkisstjórninni.

Forsvarsmenn SA segja að ríkisstjórnin hafi það í höndum sér hvort gerðir verða kjarasamningar til lengri eða skemmri tíma.

Vonast er til að samningar liggi fyrir á morgun. 

• 1 blogg um fréttina

Bloggað um fréttina

• Haraldur Haraldsson: Fundað í Karphúsinu/nú hvap hefur skeð sem kemur þessu áfram …