Brutu rúður og skáru sig

Tveir karlmenn um tvítugt gengu um og brutu rúður í fyrirtækjum á Aðalgötu á Sauðárkróki aðfaranótt laugardag. Ekki fórst þeim rúðubrotið betur úr hendi en svo, að þeir skáru sig báðir á hendi.

Að sögn lögreglunnar á Sauðárkróki höfðu mennirnir verið við skemmtanahald þegar þeir urðu illa fyrirkallaðir og gripu því til rúðubrots til að fá útrás fyrir leiðindi sín.

Við götuna eru veitinga- og skemmtistaðir og nokkuð af fólki var á ferli, sem sá til mannanna og veitti þeir eftirför uns lögregla kom og hafði hendur í hári þeirra.

Þeir skáru sig ekki alvarlega, annar þeirra þurfti á lítilsháttar aðhlynningu að halda hjá sjúkraflutningamönnum.

• 1 blogg um fréttina

Bloggað um fréttina

• Jón Þórðarson: Aumingja mennirnir...