Segir verðlag hærra í Bretlandi

„Þetta er ástæðan fyrir því að við sjáum ekki lengur samanburðarkannanir á verði á matvörum erlendis og hér heima. Þetta er eitthvað sem Margrét og Andrés hefðu getað tékkað á með þokkalegri tölvu og nettengingu,“ segir Eygló Harðardóttir, þingmaður Framsóknarflokksins, á heimasíðu sinni í dag.

Þar vísar hún til greinar sem Andrés Magnússon, framkvæmdastjóri Samtaka verslunar og þjónustu, og Margrét Kristmannsdóttir, formaður samtakanna, rituðu í Fréttablaðið í gær þar sem fram komi að Íslendingar búi við eitt dýrasta landbúnaðarkerfi í heimi og íslenskir neytendur við eitt hæsta verð á landbúnaðarvörum í heimi.

Eygló birtir á heimasíðu sinni lauslegan samanburð á mjólk, eggjum og smjöri annars vegar í Vöruvali í Vestmannaeyjum, hverfisverslun hennar, og hins vegar Sainsbury's í Bretlandi. Niðurstaða hennar er að verðlag hér á landi sé lægra í þeim samanburði.

Heimasíða Eyglóar Harðardóttur

• 3 blogg um fréttina

Bloggað um fréttina

• Kolbrún Hilmars: Eru samanburðartölur Eyglóar verri en aðrar?
• Anna Sigríður Guðmundsdóttir: Hvernig væri að birta álagningarprósentur á landbúnaðarvörum?
• Sigurbjörn Sveinsson: Óraunhæfur verðsamanburður