Vaxandi andstaða við aðild að ESB

AP

Samkvæmt nýrri skoðanakönnun sem Capacent gerði fyrir Heimssýn, hreyfingu sjálfstæðissinna í Evrópumálum, eru 64,5% kjósenda á Íslandi andvíg inngöngu í Evrópusambandið. Rúmur þriðjungur, eða 35,5%, er hins vegar hlynntur því að gengið verði í sambandið.

Fram kemur á heimasíðu Heimssýnar að í sambærilegri könnun sem Capacent hafi unnið fyrir samtökin og birt var í júní hafi 57,3% sagst vera andvíg inngöngu í ESB en 42,7% verið henni fylgjandi.

Könnunin byggist á 868 svörum sem aflað var í maí, júní og júlí en spurt var: „Ertu hlynnt(ur) eða andvíg(ur) aðild Íslands að Evrópusambandinu (ESB)?“ 

Heimasíða Heimssýnar

mbl.is
Fleira áhugavert
Fleira áhugavert