„Það er þjóðin sem velur“

Fulltrúi Samfylkingarinnar í utanríkismálanefnd segist ekki telja að tillögur leiðtoga Frakklands og Þýskalands um meiri stjórn á efnahagsmálum evruríkjanna hafi áhrif á aðildarviðræður Íslendinga að sambandinu. Þjóðin muni dæma um þetta sjálf þegar hún greiðir atkvæði um aðild.

„Ég sé ekki hvernig þetta ætti að hafa áhrif á aðildarviðræðurnar,“ segir Valgerður Bjarnadóttir, þingmaður Samfylkingarinnar, sem á sæti í utanríkismálanefnd.

„Þetta gæti aftur á móti haft áhrif á niðurstöðu atkvæðagreiðslunnar að viðræðunum loknum, en það er þá þjóðin sem tekur afstöðu til þessa.“

„Evrópusambandið þróast auðvitað og breytist og það gerum við líka.“

Að sögn Valgerðar hefur tillaga fulltrúa Framsóknar- og Sjálfstæðisflokks um opna fundi utanríkisnefndar með utanríkisráðherra verið bókuð.

Hún segir utanríkisráðherra hafa gefið nefndinni skýrslu í gær um gang viðræðna, efni hennar sé bundið trúnaði. „En ég held mér sé óhætt að segja að viðræður gangi vel,“ segir Valgerður.

• 8 blogg um fréttina

Bloggað um fréttina

• Vilhjálmur Bjarnason Ekki fjárfestir: Sama hvað fréttirnar af efnahagsmálum Evruríkjanna eru vondar
• Hjörleifur Harðarson: mikið er nú gott að vita að samfylkinginn er enn …
• Torfi Kristján Stefánsson: Ekkert nýtt!
• Haraldur Haraldsson: „Það er þjóðin sem velur“/maður bara spyr er þessu fólki …
• Sigurður Haraldsson: Hættið þessu bulli núna!
• Heimssýn: Viðræður við ESB eru leyndarmál
• Guðni Karl Harðarson: Aðeins þetta
• Páll Vilhjálmsson: Þjóðin fékk ekki að velja hvort umsókn yrði send