Kallar Berlusconi „ræfil“
Setja bókamerki
Björn Valur Gíslason, þingmaður Vinstri grænna, fer niðrandi orðum um Silvio Berlusconi, forsætisráðherra Ítalíu, í pistli á heimasíðu sinni. Þingmaðurinn kallar þennan sigursælasta stjórnmálamann Ítalíu frá lokum síðari heimsstyrjaldarinnar „ræfil“.
Skrifin vekja athygli í ljósi þess að Björn Valur er nýbúinn að biðjast opinberlega afsökunar á sambærilegri orðanotkun um Ólaf Ragnar Grímsson, forseta Íslands, líkt og fréttavefur Morgunblaðsins sagði frá. Þá hefur farið fram nokkur umræða í þjóðfélaginu um tungutak alþingismanna og þá virðingu sem þeir sýna andstæðingum sínum í ræðustól þingsins.
Björn Valur, sem er varaformaður fjárlaganefndar, gefur lítið fyrir málsvörn Berlusconis vegna ákvörðunar eins helsta matsfyrirtækis heims að lækka lánshæfismat Ítalíu.
Orðrétt skrifar þingmaðurinn:
„Silvio Berlusconi forsætisráðherra Ítalíu segir að ákvörðun Standard & Poor´s um að lækka lánshæfismat Ítalíu endurspegli ekki raunveruleikann. Hann segir að ríkisstjórn sín sé með tök á málinu og aðgerðir í undirbúningi. Hann segir að öfundsjúkir útlendingar séu vondir við Ítalíu. Það er margt sem Berlusconi ræfillinn á sameiginlegt með þeim sem stjórnuðu Íslandi árið 2008. Hróp hans eru líkt og bergmál úr okkar eigin fortíð.“
Tengsl við undirheima ekki hluti af rannsókninni
„Við erum ekki hafin yfir gagnrýni“
Hefði ekki lagst gegn samþykkt sáttmálans
Velferð ekki gefin
Quang Le: „Ég gerði ekkert rangt“
Sýklalyfjaónæmi vaxandi vandamál
Telur ekki að gjá sé að myndast innan flokksins
Ræddu við skólasystkini stúlkunnar í dag