Skemmdarverk unnin á leiðum í Borgarnesi

Það var ljót aðkoma að kirkjugarðinum í Borgarnesi í morgun en þar höfðu verið unnin skemmdarverk á tuttugu og níu leiðum í nótt. Sums staðar hafði legsteinum verið velt við en annars staðar voru krossar rifnir upp, auk þess sem skreytingar voru skemmdar.

Kirkjugarðar og leiði eru friðhelg samkvæmt lögum um kirkjugarða og almennum hegningarlögum. Röskun á grafarhelgi varðar sektum og allt að sex mánaða fangelsi samkvæmt ákvæðum hegningarlaga.

Lögreglan í Borgarnesi og Dölum leitar nú skemmdarvarganna og biður þá sem telja sig geta veitt einhverjar upplýsingar um málið að hafa samband í síma 433-7612

Skemmdarverk voru unnin í kirkjugarði Borgarness í nótt

• 2 blogg um fréttina

Bloggað um fréttina

• Axel Jóhann Axelsson: Fádæma siðleysi og ræfildómur
• Axel Jóhann Hallgrímsson: Skítseyði