Innlent | mbl | 6.10.2011 | 19:42 | Uppfært 20:55

Efast um að hvalveiðarnar séu sjálfbærar

Svandís Svavarsdóttir, umhverfisráðherra. mbl.is/Kristinn Ingvarsson

Haft er eftir Svandísi Svavarsdóttur, umhverfisráðherra, á fréttavefnum Ips.com að hún efist um að hvalveiðar við núverandi aðstæður geti talist sjálfbærar, bæði með tilliti til umhverfisins og út frá efnahagslegum sjónarmiðum. „Erlendir markaðir fyrir hvalkjöt eru fáir og mjög litlir sem þýðir að mögulegar tekjur af hvalveiðum eru óverulegar í hinu stærra efnahagslega samhengi.“

Í fréttinni er fjallað um þær diplómatísku aðgerðir sem bandarísk stjórnvöld hafa tilkynnt að þau ætli að grípa til gagnvart Íslendingum vegna hvalveiða þeirra. Haft er eftir Jóni Bjarnasyni, sjávarútvegs- og landbúnaðarráðherra, að Bandaríkjamenn hafi engin lagaleg eða vísindaleg rök fyrir því að beita sér gegn veiðum Íslendinga og bent á að ráðherrarnir tveir séu ekki samstiga í málinu.

Össur Skarphéðinsson, utanríkisráðherra, tekur undir með Jóni um að rök Bandaríkjamanna haldi ekki vatni. Hann segir þó að sé horft á málið með mjög ströngum hætti sé hægt að halda því fram að veiðar á langreyði séu ekki sjálfbærar ef ekki finnist markaðir fyrir afurðirnar af þeim. Engin rök séu hins vegar fyrir því að veiðar Íslendinga á hrefnu séu ekki sjálfbærar.

Frétt Ips.com

Innlent »

Grjóthrun á Hrafnseyrar- og Dynjandisheiði

07:49 Talsvert grjóthrun varð um helgina, bæði á Hrafnseyrar- og Dynjandisheiði. Vegurinn á milli Þingeyrar og Flókalundar var á köflum mjög slæmur eftir miklar rigningar og grjóthrun um helgina og lentu einhverjir ökumenn í vandræðum vegna þess. Meira

Ásta Ragnheiður Jóhannesdóttir á forsetastóli.

Semja þarf um þingfrestunina

07:33 Ásta Ragnheiður Jóhannesdóttir, forseti Alþingis, kveðst þurfa að funda sem fyrst með þingflokksformönnum eftir eldhúsdagsumræður til að semja um þinglok. Hún segir að betra verði að meta framhaldið þegar atvinnuveganefnd hefur afgreitt sjávarútvegsfrumvörpin. Meira

Umferðaróhapp á Hafnarfjarðarvegi

06:08 Umferðaróhapp varð laust eftir miðnætti á Hafnarfjarðarvegi við Arnarnesbrú. Ökumaður var fluttur á slysadeild en meiðsl hans eru ekki talin alvarleg. Grunur leikur á um ölvun við akstur. Meira

Gríðarmikil óánægja með lokun útibúa

05:30 Halldór Halldórsson, formaður Sambands íslenskra sveitarfélaga, kveðst hafa orðið var við gríðarmikla óánægju á meðal sveitarstjórnarmanna vegna ákvörðunar Landsbankans um fækkun starfsstöðva. Meira

Loka þyrfti 15-20 hellum

Hellinum Jörundi hefur verið lokað fyrir allri umferð, bæði fyrir hellamönnum og öðrum, til að ...

05:30 Hellarannsóknafélag Íslands vill að 15-20 hellum á landinu verði lokað á næstu árum til að forða þeim frá skemmdum. Ef ekkert verði að gert skemmist hellarnir enn frekar. Um leið þurfi að huga að því að auðvelda aðgengi að þeim hellum sem hægt er að skoða án þess að valda skemmdum. Meira

Repjuolía tilvalin á norðurslóðum

05:30 Brýnt er að aðrir orkugjafar en jarðdísilolía verði notaðir í skipasiglingum um norðurslóðir að sögn Jóns Bernódussonar, verkfræðings hjá Siglingastofnun, en brennsla hennar getur aukið á bráðnun íss á svæðinu. Meira

Ótryggðir úti á túni

Vafi leikur á því í frumvarpinu hvort ökumenn sem lenda í umferðaróhappi á bílastæði væru ...

05:30 Alvarlegar athugasemdir eru gerðar við að slysatrygging ökumanns ökutækis verði takmörkuð frá því sem nú er og að hún gildi einungis í almennri umferð, þ.e. „á vegum sem opnir eru almenningi“. Tillaga þess efnis er í frumvarpi um ökutækjatryggingar sem liggur fyrir Alþingi. Meira

Slitastjórn kannaði störf Pars Per Pars

05:30 Slitastjórn Glitnis lét kanna sérstaklega hvort tveir fyrrverandi lögreglumenn hefðu „stytt sér leið“ í störfum sínum fyrir slitastjórnina. Meira

7.000 vinnustundir að baki

Á deildinni í Kópavogi verða átta rúm opin í sumar.

05:30 Að baki nýbyggingu við líknardeild í Kópavogi liggja nærri sjö þúsund vinnustundir en ljóst er að byggingin verður ekki tekin í notkun fyrr en í fyrsta lagi í haust sökum frekari sparnaðaraðgerða á Landspítalanum, sem fram hafa komið hjá Birni Zoëga, forstjóra Landspítalans. Meira

Fimm teknir fyrir of hraðan akstur við Borgarnes

Í gær, 23:30 Fimm voru teknir fyrir að aka of greitt í grennd við Borgarnes í dag. Að öðru leyti virðist þessi fyrsta ferðahelgi sumarsins hafa gengið vel í umferðinni víðast hvar um landið. Meira

Bjartviðri víðast hvar

04:35 Breytileg átt, víða 3-8 m/s, verður á landinu í dag og bjartviðri, en skýjað og sums staðar þokuloft fram eftir morgni, einkum vestantil. Hæg austlæg eða breytileg átt undir hádegi og yfirleitt léttskýjað. Hiti 8 til 20 stig, hlýjast í innsveitum. Meira

Mótorhjólamenn fjölmenntu í messu

Í gær, 21:56 Það var talsvert annað yfirbragð yfir messu í Digraneskirkju í kvöld en venjulega, en þar fór fram svokölluð mótorhjólamessa. Í kirkjunni voru leðurklæddir mótorhjólamenn og utan við kirkjuna var röð glæsilegra mótorhjóla. Meira

Eldhúsdagsumræðu á Alþingi

Í gær, 21:07 Eldhúsdagsumræður fara fram á Alþingi annað kvöld. Samkvæmt starfsáætlun þingsins á að fresta fundum Alþingis á fimmtudag, en talið er ólíklegt að sú áætlun standist. Meira

Konan fannst látin

Í gær, 19:11 Lettneska konan sem leitað hefur verið að við Meðalfellsvatn fannst látin síðdegis í dag. Hennar hafði verið saknað frá 13. maí. Flest bendir til að talsvert sé síðan hún lést. Meira

Kiwanismenn máluðu vitann

Kiwanismaðurinn Björn Viðar mundar rúlluna af fagmennsku.

Í gær, 18:08 Félagar í Kiwansiklúbbnum Skjálfanda á Húsavík notuðu veðurblíðuna í dag til að mála vitann á Húsavíkurhöfða en hann var farinn að láta á sjá. Meira

Hrapaði ofan í gil

Í gær, 19:31 Bresk kona stórslasaðist þegar hún hrapaði ofan í gil stutt frá tjaldstæðinu við Hamragarða, skammt innan við Seljalandsfoss við Þórsmerkurveg. Meira

Sé ekki í samkeppni við þingið

Þóra Arnórsdóttir og maður hennar, Svavar Halldórsson, með dótturina sem fæddist 18. maí sl.

Í gær, 18:09 Þóra Arnórsdóttir forsetaframbjóðandi segir að forseti sem rekur eigin stjórnmálastefnu í samkeppni við þjóðkjörið þing geti ekki ræktað sitt meginhlutverk sem sé að vera sameiningarafl. Meira

Leitarmenn kallaðir til baka

Í gær, 18:03 Búið er að kalla til baka þá sem leitað hafa að lettnesku konunni við Meðalfellsvatn í dag. Ekki hafa borist staðfestar fréttir af örlögum konunnar. Meira