Hleypt út til að létta á sér og fann kannabis

Lögreglumenn frá Selfossi áttu leið um uppsveitir Árnessýslu í nótt og voru með fíkniefnahundinn Buster með sér.  Þeir hleyptu hundinum út til að létta á sér.  Um leið og hundurinn fór út úr lögreglubifreiðinni stefndi hann að nærliggjandi íbúðarhúsi og gaf sterka ábendingu að þar innandyra væru fíkniefni. 

Lögreglumenn bönkuðu upp á.  Húsráðandi kom til dyra og segir lögreglan, að kannabisilmurinn, sem barst út úr húsinu, hafi ekki leynt sér.

Við leit í íbúðinni fundust tæplega 40 kannabisplöntur.  Lögreglan lagði hald á ræktunina og búnað auk þess var húsráðandi handtekinn og yfirheyrður.  Hann viðurkenndi brot sitt.

• 3 blogg um fréttina

Bloggað um fréttina

• 420: Lýðheilsa
• Sigurður Haraldsson: Besti vinur mannsins.
• Pálmi Hamilton Lord: Fara út að ganga með hundinn