Heita fullum stuðningi

Ráðherrar utanríkismála og Evrópumála hétu á fundum með utanríkisráðherra Íslands í dag eindregnum stuðningi danskra stjórnvalda við mögulega aðild Íslands að ESB og vilja Dana til að viðhalda góðum gangi í  viðræðunum. Fundurinn fór fram í tengslum við fund Norðurlandaráðs í Kaupmannahöfn.

Á fundunum fóru ráðherrarnir yfir stöðu mála í aðildarviðræðum Íslands og Evrópusambandsins en tveir kaflar í viðræðunum voru opnaðir og þeim lokað nú í október. Þá ræddu þeir fyrirhugaða formennsku Dana í Evrópusambandinu sem hefst um áramót en Össur hefur lýst því yfir að hann vilji opna alla útistandandi kafla í aðildarviðræðunum í formennskutíð Dana.

Á fundinum með Evrópuráðherra Dana staðfesti Nikolai Wammen eindreginn stuðning danskra stjórnvalda við mögulega aðild Íslands að ESB og vilja Dana til að viðhalda góðum gangi í  viðræðunum. Ráðherrarnir ræddu stöðu mála á evrusvæðinu og aðgerðir ESB til ráða bug á skuldavanda einstakra ríkja.

Á fundi utanríkisráðherra með Villy Søvndal ræddu ráðherrarnir einnig málefni Palestínu og sameiginlega hagsmuni á norðurslóðum.

• 3 blogg um fréttina

Bloggað um fréttina

• Benedikt V. Warén: "Eru ekki enn lausar lóðir á Jótsku Heiðunum, - Magga …
• Óðinn Þórisson: Er hægt að stoppa viðræurnar við esb ?
• Haraldur Haraldsson: Heita fullum stuðningi/en meira af vitleysunni í gangi er þetta …